قازاقستان رەسپۋبليكاسى مادەنيەت جانە سپورت مينيسترلىگى                 تىلدەردى دامىتۋ جانە قوعامدىق-ساياسي جۇمىس كوميتەتى  2016 جىلعى 16 قىركۇيەكتە  قازاقستان حالقى تىلدەرىنىڭ ءحVىىى رەسپۋبليكالىق فەستيۆالى اياسىندا مەملەكەتتىك قىزمەتشى جاستار اراسىندا ء«تىل شەبەرى» رەسپۋبليكالىق بايقاۋىن  وتكىزدى.

21 - 29 جاس ارالىعىنداعى جەرگىلىكتى جانە ورتالىق اتقارۋشى ورگانداردا قىزمەت ەتەتىن  مەملەكەتتىك قىزمەتشىلەر  اراسىندا ۇيىمداستىرىلىپ وتىرعان بايقاۋدىڭ ماقساتى - جاھاندىق وركەنيەت پەن ەلىمىزدىڭ  دامۋ باعىتىنا ساي  ءۇش ءتىلدى – قازاق، ورىس جانە اعىلشىن تىلدەرىن جەتىك مەڭگەرگەن، جان-جاقتى ءبىلىمدى، ءوزىنىڭ سالاسىندا كاسىبي قۇزىرلى  مەملەكەتتىك قىزمەتشى جاستاردى  انىقتاپ، قولداۋ كورسەتۋ، سونداي-اق ۇشتۇعىرلى ءتىل ساياساتىن  ناسيحاتتاۋ، ىسكەرلىك جانە حالىقارالىق قارىم-قاتىناس قۇرالى رەتىندەگى تىلدەردى مەملەكەتتىك قىزمەتشى جاستاردىڭ مەڭگەرۋ دەڭگەيىن انىقتاۋ.

رەسپۋبليكالىق دەڭگەيدە وتكىزىلىپ وتىرعان بايقاۋدى قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى توراعاسىنىڭ ورىنباسارى ع. س. مەلدەشوۆ مينيستر ا.مۇحامەديۇلىنىڭ  قۇتتىقتاۋ سوزىمەن اشتى.

بايقاۋ بارىسىندا «مادەنيەتتانىم»، «ۇلتتانىم»، «ونەرتانىم» اتالىمدارى بويىنشا  قاتىسۋشىلاردىڭ تىلدەردى مەڭگەرۋ دەڭگەيى، ءۇش تىلدە ورفوەپيالىق تۇرعىدان تازا سويلەۋى جانە ساحنالىق مادەنيەتى سىنعا ءتۇستى.

قازىلار القاسىنىڭ شەشىمىنە ساي بايقاۋعا قاتىسقان  25 ورەن  ىنتالاندىرۋ سىيلىقتارىمەن ماراپاتتالسا،  مانشۇك داۋلەتبايقىزى مولداجانوۆا (اقتوبە وبلىسى  «اقتوبە قالالىق مادەنيەت جانە تىلدەردى دامىتۋ ءبولىمىنىڭ» مەڭگەرۋشىسى) باس جۇلدەنى, شىڭعىس قاناتۇلى قۇدايبەرگەنوۆ (قر دەنساۋلىق ساقتاۋ جانە الەۋمەتتىك دامۋ مينيسترلىگى حالىقارالىق ىنتىماقتاستىق جانە ينتەگراتسيا دەپارتامەنتىنىڭ ساراپشىسى) ءى،  جومارت بولاتۇلى ورمان (قر پرەزيدەنتى ءىس باسقارماسى مەديتسينالىق ورتالىعىنىڭ باسقارما باسشىسى) ءىى،  گۇلنۇر دانيارقىزى دانياروۆا (شىعىس قازاقستان وبلىسى دەنساۋلىق ساقتاۋ باسقارماسى، ەمدەۋ-الدىن الۋ جۇمىسى جانە ليتسەنزيالاۋ ءبولىمىنىڭ باس مامانى) ءىىى ورىندى  يەلەندى. ۇلداي قۋاندىققىزى  قادىرباەۆا (مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ باس مامانى) «بەلسەنە قاتىسقانى ءۇشىن» اتالىمىنا يە بولدى. 

رەسپۋبليكا دەڭگەيىندە ۇيىمداستىرىلعان  بايقاۋ ءۇش ءتىلدى جەتىك مەڭگەرگەن مەملەكەتتىك قىزمەتكەرلەردى ىنتالاندىرۋ جانە مەملەكەتتىك ورگانداردا ۇشتۇعىرلى ءتىل ساياساتىنىڭ كەڭ قولداۋ تابۋىنا ىقپالىن تيگىزەدى.

اباي-اقپارات