ينۆەستيتسيا كوپتەپ تارتىلسا، وبلىستىڭ ەكونوميكاسى دا ارتا تۇسەدى

بۇل جونىندە وبلىس اكىمى اۋدان، قالا اكىمدەرىمەن وتكەن كەڭەيتىلگەن اپپاراتتىق ماجىلىستە ايتتى.

«ەلباسى ءوزىنىڭ بەرگەن تاپسىرماسىندا وڭىرلەرگە ينۆەستيتسيا تارتۋ باعىتىنداعى جۇمىستى جانداندىرۋ قاجەتتىگىن اتاپ وتكەن بولاتىن. ياعني ءبىز وبلىسقا ىشكى جانە سىرتقى ينۆەستورلاردى كوپتەپ تارتۋىمىز قاجەت. بۇل ءوز كەزىندە ايماقتىڭ ەكونوميكاسىنىڭ دامۋىنا وڭ اسەرىن بەرىپ، حالىقتىڭ جۇمىسپەن قامتىلۋىنا سەپتىگىن تيگىزەدى»،-دەدى ب.اتامقۇلوۆ.
سونىمەن قاتار، جيىندا وبلىستاعى يندۋستريالدى ايماقتاردىڭ جايى قارالدى. وندا اكىم ينفراقۇرىلىم جۇرگىزىلمەگەناۋداندارداعى ايماقتارعا باسا نازار اۋدارىپ، ءتيىستى جۇمىستاردى جۇرگىزۋدى سالا باسشىلارىنا تاپسىردى.

ايتا كەتەيىك، بۇگىنگى تاڭدا وبلىسىمىزداعى يندۋستريالدى ايماقتاردا جالپى 160 جوبا جۇزەگە اسىرىلۋدا. ونىڭ قازىرگى تاڭدا 52-ءسى ىسكە قوسىلعان. ال قالعان 108 جوبا الداعى ەكى جىل ىشىندە ىسكە اسپاق. وسىلايشا، ەكى جىل ىشىندە، اشىلعان 108 جوبا شەڭبەرىندە وبلىسىمىزدا 8079 جاڭا جۇمىس ورنىن اشۋعا مۇمكىندىك بەرەتىن 151,8 ملرد. تەڭگە ينۆەستيتسيا ەكونوميكا اينالىمىنا تارتىلادى دەپ كۇتىلۋدە.

ەستەرىڭىزگە سالا كەتەيىك، مەملەكەت باسشىسى 2016 جىلدىڭ 1 قاڭتارىنان «5 ينستيتۋتتىق رەفورمانى جۇزەگە اسىرۋ بويىنشا 100 ناقتى قادام» – ۇلت جوسپارىن ورىنداۋدىڭ پراكتيكالىق كەزەڭى باستالاتىنىن حابارلاعان ەدى..

"مەملەكەتتى، ەكونوميكا مەن قوعامدى دامىتۋ ءۇشىن قاعيداتتى جاڭا قۇقىقتىق ورتا قالىپتاستىراتىن 59 زاڭ كۇشىنە ەندى. بىزگە تاريحىمىزداعى بۇرىن-سوڭدى بولماعان اۋقىمداعى ۇلتتىق زاڭناماعا وزگەرىستەردى باعامداۋ ماڭىزدى. ونىڭ ۇستىنە، ولار ءبىزدىڭ قازاقستاندىق ارمانىمىز – ءححى عاسىردا كوشباسشى وتىز ۇلتتىڭ ءبىرى بولۋعا قول جەتكىزۋىمىزگە جول اشادى", دەدى نۇرسۇلتان ءابىشۇلى.