قاpاقستان ينتەرنەت كەڭىستىگىندەگى Emle.kz سايتىن ەل ءبىلۋى كەرەك، - دەپ حابارلايدى اباي-اقپارات.

ويتكەنى بۇل سايت ءسىز بەن بىزگە قاتەسىز جازىپ، مادەنيەتتى سويلەۋدى ۇيرەتەدى. جاسىرىپ كەرەگى نە، وسى كۇنگى جۇرتتىڭ، اسىرەسە، جاستاردىڭ ءتىلى بۇزىلىپ بارادى. باي، كوركەم، قۇنارلى قازاق ءتىلى قازىر كوشەنىڭ تىلىنە، ءسوزدى  بۇزىپ، بۇتارلاپ سويلەيتىندەردىڭ تىلىنە اينالىپ بارادى. ادامزاتتىق قۇندىلىعى ەرەكشە  مادەني قۇبىلىس رەتىندە  تىل ءوزىنىڭ ساف قالپىن ساقتاپ قالۋ ءۇشىن الدىمەن تابيعي تازالىعىن ساقتاپ قالۋى كەرەك.

«ءتىلىمىزدىڭ تازالىعى تۋرالى اڭگىمە سوڭعى ۋاقىتتاردا نازاردان تىس قالىپ بارادى دەپ جازادى Abai.kz اقپاراتتىق پورتالىنىڭ اۆتورى جاقسىباي سامرات مىرزا ءبىر ماقالاسىندا. -  ويتكەنى، مۇلدە سويلەمەيتىندەرگە نازارىمىزدى كوپ اۋدارىپ، قازاقشا سويلەۋگە ءتيىستى ازاماتتارىمىزدىڭ ءوزىنىڭ  دۇرىس سويلەۋى، ءتىل تازالىعى جايلى اڭگىمەنى ىسىرىپ قويعاندايمىز. بىراق بۇل ەشقاشان دا ەستەن شىعارىلاتىن ماسەلە ەمەس. اۋىزەكى تىلدە ورىس سوزدەرىن ورىنسىز قولدانۋ ءتىلىمىزدى جۇتاڭداتىپ، ءتول سوزدەرىمىزدىڭ قولدانۋ اياسىن تارىلتا تۇسەدى. بۇرىننان ەنىپ، ءسىڭىستى بولىپ كەتكەن «ساپسەم»، «داجە» دەگەندەر تۇگىلى قازىر قازاقتىڭ «ەتىپ» دەگەن ەتىستىگىن قوسىپ الىپ، ورىس سوزدەرىن قازاقىلاندىراتىن «مودا» شىقتى. مىسالى، «ۆولنوۆاتسا ەتىپ»، «وپازدات ەتىپ» ت.ت.س. ونىڭ ۇستىنە قويىرتپاق ءتىلدى قويۋلاتا تۇسەتىن ءبىر تەلەجۇرگىزۋشىلەر شىعىپ ءجۇر. وندايلار وزدەرىنىڭ قويىرتپاق تىلىنە وزدەرى ءماز بولىپ، جۇرتتى كۇلدىرمەك بولادى».

اۋىزەكى ءتىلدىڭ احۋالى الگىندەي بولعاندا جازبا ءتىلدىڭ جاعدايى قايدان وڭسىن؟.. بۇل كۇندە جۇرت ءوزىنىڭ ساۋاتسىز جازاتىنىنا، ءتىپتى، ارلانبايتىن بولدى. ارلانۋ بىلاي تۇرىپتى، ساۋاتسىز جازۋ سانگە اينالا باستاعانداي. بۇنداي سوراقىلىقتى جاستار جاعى تۇراقتى قولداناتىن عالامتورعا ارنالعان قۇرالداردان كورۋگە بولادى. ەكەۋارا تىلدەسەتىن چاتتا وتىرىپ، بۇگىنگى زاماننىڭ جاستارى ءبىر-بىرىنە مىنانداي ماتىندە حات جازادى:

-         پريۆەت كالايسىن؟

-         وتل.

-         نەسەتۆاتىرسىڭ؟

-         مۋزكا تىنداپ اتقان...

وسىلاي كەتە بارادى. جاستاردى ايتامىز، بىلدەي ءبىر مەكەمەنىڭ جەتەكشىسى، بولماسا، الدەبىر قىزمەتتەگى جاۋاپتى تۇلعانىڭ ءوزى ەكى ءسوزدىڭ باسىن قوسىپ، ءجونى ءتۇزۋ سويلەم قۇراي المايدى. ال، بۇندايدا قايتپەك كەرەك؟  عالامتور كەڭىستىگىندە ساۋاتسىزدانىپ بارا جاتقان جۇرتقا سول عالامتوردىڭ مۇمكىندىگىن پايدالانىپ، اعارتۋ جۇمىسىن جۇرگىزۋ كەرەك. بىزدىڭشە، Emle.kz سايتىنىڭ جارىق كورۋىندە، مىنە، وسىنداي ءمان بار. ەڭ ءبىر قۋانتارلىعى: اتالعان سايتتا  ورفوگرافيالىق ەلەكتروندى بازا جاسالىپتى. ورفوگرافيالىق ەلەكتروندى بازا ارقىلى ءسىز :

-         ەملە ەرەجەلەرىنىڭ دۇرىس ءتۇزىلىپ، نورمالانعان  نۇسقالارىمەن تانىسا الاسىز;

-         ساۋاتتى دۇرىس جازۋ تارتىبىمەن،  سويلەۋ اكتىسىندە سوزدەردى دۇرىس دىبىستاۋعا، دۇرىس ايتۋعا جانە رەسمي قۇجاتتاردا تىنىس بەلگىلەرىن دۇرىس قويۋعا  داعدىلاناسىز.

سايتتان سونداي-اق «ادەبي ءتىل نورمالارى»، «ورفوگرافيا»، «پۋنكتۋاتسيا»، «اببرەۆياتۋرا»، ت.ب. ايدارلارى ارقىلى وزىڭىزگە قاجەتتى دۇنيەلەردى تابا الاسىز.

Cايتتىڭ سىلتەمەسى: emle.kz

سايت قازاقستان رەسپۋبليكاسى پرەزيدەنتىنىڭ تىكەلەي پارمەنىمەن، قر مادەنيەت جانە سپورت مينيسترلىگى، تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا قۇرىلعان.

Abai.kz