بۇل جونىندە ءوڭىر باسشىسى قر پرەزيدەنتىنىڭ تاراپىنان بەرىلگەن تاپسىرمالاردىڭ ورىندالۋ بويىنشا وتكەن كەڭەيتىلگەن ماجىلىستە ايتتى. سونىمەن قاتار، جيىندا شىمكەنت قالاسىنىڭ اكىمىنە قالانىڭ دامۋ جوسپارىنا قاتىستى بىرقاتار تاپسىرمالار بەردى.
شىمكەنت قالاسىن اگلومەراتسيالىق ورتالىق رەتىندە دامىتۋ ماقساتىندا جانە قالا حالقىن ازىق-تۇلىكپەن قامتاماسىز ەتۋ ءۇشىن وبلىستىڭ اۋداندارى مەن شىمكەنت قالاسىنىڭ اراسىندا اۋىل شارۋاشىلىعى ونىمدەرىن قايتا وڭدەۋ وندىرىستەرىن قۇرۋعا بايلانىستى مەموراندۋمعا قول قويىلادى.
«قالانى ازىق-تۇلىكپەن قامتاماسىز ەتەتىن اگرارلىق سەكتوردا شاعىن جانە ورتا بيزنەس بەلدەۋىن قۇرۋدى تاپسىرامىن. سونىمەن قاتار، جاسىل بەلدەۋ قۇرۋ ماقساتىندا باقتار مەن ورمان ايماعىنداعى جەرلەرگە تولىق تەكسەرۋ جۇرگىزۋ قاجەت دەپ بىلەمىن، - دەدى ول. 

سونداي-اق، ەلباسىنىڭ تاپسىرمالارىنا وراي، ءوڭىردىڭ جانە اۋدان، قالالاردىڭ ايماقتىق دامۋ كارتاسى جاسالادى.

"ۇلت جوسپارىن ءىس جۇزىندە جۇزەگە اسىرۋ كەزەڭى باستالدى. ول جاڭعىرتۋ جونىندەگى ۇلتتىق كوميسسيانىڭ باقىلاۋىمەن جۇرەتىن بولادى.

بارلىق مەملەكەتتىك ورگانداردان، قوعامدىق ينستيتۋتتار مەن ازاماتتاردان ءىس-قيمىلدىڭ ۇيلەسىمدىلىگى، تاباندىلىق، كرەاتيۆتىلىك جانە قاجىرلىلىق تالاپ ەتىلەدى.

بىزگە ۇلكەن جولدان وتۋگە تۋرا كەلەدى، ول بويىنشا ءبىز قازىر العاشقى 100 قادامدى جاساۋدامىز.

باسقا قادامدار دا بولادى، مەن وعان اينا-قاتەسىز سەنىمدىمىن.

ەۆوليۋتسيالىلىق جانە تۇتاستاي قامتۋشىلىق – شيرەك عاسىرلىق مەرەيتويىنا قادام باسىپ، ءبىزدىڭ تاۋەلسىزدىگىمىزدىڭ تاريحىن العا باستىرىپ وتىرعان جاڭعىرتۋ ۇدەرىسىنىڭ باستى قاعيداتى دا وسى.

ءبىزدىڭ ءبارىمىز جاڭعىرتۋدىڭ تەك قۋاتتى مەملەكەت پەن ۇلتتىڭ توپتاسقاندىعى جاعدايىندا عانا تابىستى بولاتىنىن ەستەن شىعارماۋعا ءتيىسپىز. ول تارتىپكە باستاۋى ءتيىس",-دەدى مەملەكەت باسشىسى نۇرسۇلتان ءابىشۇلى.

Abai.kz