«تەكتى ءسوزدىڭ تورەسى – تەرمە» رەسپۋبليكالىق جىرشى-تەرمەشىلەر بايقاۋىن وتكىزۋ جونىندەگى ەرەجەسى
قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 - 2020 جىلدارعا ارنالعان مەملەكەتتىك باعدارلاماسى اياسىندا «تەكتى ءسوزدىڭ تورەسى – تەرمە» رەسپۋبليكالىق جىرشى-تەرمەشىلەر بايقاۋىن وتكىزەدى.
2016 جىلدىڭ 24 قاراشاسىندا وتەتىن بايقاۋدىڭ ەرەجەلەرىن وقىرمان قاۋىمعا ۇسىنۋدى ءجون ساناپ وتىرمىز.
«تەكتى ءسوزدىڭ تورەسى – تەرمە»
رەسپۋبليكالىق جىرشى-تەرمەشىلەر
بايقاۋىن وتكىزۋ جونىندەگى ەرەجەسى
1. جالپى ەرەجەلەر
1. «تەكتى ءسوزدىڭ تورەسى – تەرمە» رەسپۋبليكالىق جىرشى-تەرمەشىلەر بايقاۋى (بۇدان ءارى – بايقاۋ) قازاقستاندىقتاردىڭ ءتىل مادەنيەتىن دامىتۋعا جانە ۇلتتىق ءداستۇر مەن ونەردى ناسيحاتتاۋعا باعىتتالعان.
بايقاۋ ءار جىلدىڭ ءبىرىنشى جارتى جىلدىعىندا جاريالانادى جانە «قازاقستان رەسپۋبليكاسىنداعى كاسىپتىك جانە وزگە دە مەرەكەلەر تۋرالى» قازاقستان رەسپۋبليكاسى پرەزيدەنتىنىڭ 1998 جىلعى 20 قاڭتارداعى
№ 3827 جارلىعىنا سايكەس قازاقستان حالقى تىلدەرىنىڭ كۇنىنە وراي وتكىزىلەدى.
2. بايقاۋدى وتكىزۋدىڭ ماقساتتارى:
1) قازاقستاندىقتاردىڭ سويلەۋ مادەنيەتىن قالىپتاستىرۋ;
2) ۇلتتىق ونەردىڭ مايەگى بولىپ تابىلاتىن جىر جانە تەرمە جانرىن دامىتۋ;
3) جىر جانە تەرمە ونەرىن جاستاردىڭ اراسىندا دارىپتەۋ;
4) زامان تالابىنا ساي جاڭا جىر جانە تەرمە شۋماقتارىن جارىققا شىعارۋ.
3. بايقاۋعا ءار وبلىستان جانە استانا، الماتى قالالارىنان
16 جاسقا تولعان ءبىر ۇمىتكەردەن قاتىسادى.
4. بايقاۋ جەڭىمپازىن قازىلار القاسى اشىق داۋىس بەرۋ ارقىلى انىقتايدى.
5. بايقاۋدىڭ الدىڭعى جەڭىمپازدارى مەن جۇلدەگەرلەرى (باس جۇلدە،
ءى، ءىى، ءىىى ورىن يەگەرلەرى) وسى بايقاۋعا قاتىستىرىلمايدى.
2. بايقاۋدى ۇيىمداستىرۋ ءتارتىبى
6. قازاقستان رەسپۋبليكاسى مادەنيەت جانە سپورت مينيسترلىگىنىڭ
تىلدەردى دامىتۋ جانە قوعامدىق-ساياسي جۇمىس كوميتەتى (بۇدان ءارى – كوميتەت) بايقاۋدىڭ ۇيىمداستىرۋشىسى بولىپ تابىلادى.
7. بايقاۋ قالالىق، وبلىستىق جەرگىلىكتى اتقارۋشى ورگانداردىڭ (تىلدەردى دامىتۋ باسقارمالارى) جاردەمدەسۋىمەن وتكىزىلەدى.
8. بايقاۋدى وتكىزۋ تۋرالى حابارلاندىرۋ جىلدىڭ ءبىرىنشى جارتى جىلدىعىندا باق-تا جاريالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ رەسمي سايتىندا ورنالاستىرىلادى.
9. بايقاۋعا قاتىسۋعا ۇسىنىم جونىندەگى ءوتىنىش حاتى جىل سايىن حابارلاندىرۋ جاريالانعاننان باستاپ 1 قىركۇيەككە دەيىن وبلىستار مەن استانا جانە الماتى قالالارىنىڭ جەرگىلىكتى اتقارۋشى ورگاندارىنان (تىلدەردى دامىتۋ باسقارمالارى) تومەندەگى قۇجاتتارمەن بىرگە بەرىلەدى:
1) دەرەكتەمەلىك اقپارات (وسى ەرەجەگە قوسىمشاعا سايكەس نىسان بويىنشا);
2) جەكە كۋالىكتىڭ كوشىرمەسى;
3) ۇسىنىلاتىن جىردىڭ نەمەسە تەرمەنىڭ ءماتىنى.
10. وسى ەرەجەنىڭ 9-تارماعىندا كورسەتىلگەن مەرزىمنەن كەيىن ۇسىنىلعان ۇمىتكەرلەر بايقاۋعا قاتىستىرىلمايدى.
11. بايقاۋعا ۇسىنىلاتىن جىر نەمەسە تەرمە بۇرىن ەش جەردە ورىندالماعان جاڭا شىعارما بولۋى شارت.
12. بايقاۋعا قاتىستىرىلاتىن جىر نەمەسە تەرمەگە ۇسىنىلاتىن تاقىرىپتىق باعىتتار:
1) ەل بىرلىگى تۋرالى;
2) تاۋەلسىزدىكتىڭ 25 جىلدىعى تۋرالى;
3) ءتىلدىڭ قازاقستان حالقىن توپتاستىرۋداعى ماڭىزدى ءرولى تۋرالى;
4) ماڭگىلىك ەل يدەياسى تۋرالى.
13. بايقاۋ جەڭىمپازدارىن انىقتاۋ ءۇشىن حالىق ونەرى شەبەرلەرىنەن، قوعام قايراتكەرلەرىنەن، قوعامدىق ۇيىمداردىڭ وكىلدەرىنەن قازىلار القاسى قۇرىلادى.
14. بايقاۋدىڭ قازىلار القاسى قاتىسۋشىلاردىڭ ونەرىن باعالاۋ كەزىندە تومەندەگى تالاپتاردى نەگىزگە الادى:
1) شىعارمانىڭ ۇسىنىلعان تاقىرىپتاردى قامتۋى مەن وزەكتىلىگى;
2) شىعارمانىڭ مازمۇن تەرەڭدىگى;
3) شىعارمانى ورىنداۋ شەبەرلىگى;
4) ءتىل نورماسىنىڭ ساقتالۋى;
5) ساحنا مادەنيەتى.
15. باس جۇلدە جانە جۇلدەلى ورىنداردى يەمدەنگەن قاتىسۋشىلار ارنايى ديپلومدارمەن جانە اقشالاي سىيلىقتارمەن ماراپاتتالادى.
3. ۇيىمداستىرۋشىنىڭ مىندەتتەرى
16. ۇيىمداستىرۋشى ۇيىمداستىرۋشىلىق، تەحنيكالىق، قارجىلىق ماسەلەلەردى، كونكۋرستى دايىنداۋ جانە وتكىزۋ بويىنشا جۇمىس باعىتتارىن كەلىسۋ ماسەلەلەرىن پىسىقتايدى.
17. بايقاۋدى ۇيىمداستىرۋشىنىڭ مىندەتتەرى:
1) بايقاۋدى وتكىزۋ تۋرالى حابارلاندىرۋدى جاريالاۋ;
2) بايقاۋعا دايىندىقتى جانە ونى وتكىزۋ بويىنشا ۇيىمداستىرۋ جۇمىسىن ۇيلەستىرۋ;
3) باق-پەن جۇمىس;
4) بايقاۋدى وتكىزۋدىڭ باعدارلاماسىن ازىرلەۋ;
5) بايقاۋعا قاتىسۋعا وتىنىمدەردى جيناۋ، وتىنىمدەردى راسىمدەۋ مەن بەرىلۋىنىڭ بايقاۋ تالاپتارى مەن شارتتارىنا سايكەستىگىن تەكسەرۋ;
6) قازىلار القاسىنا ۇسىنۋ ءۇشىن تەرمە نەمەسە جىرلاردىڭ ماتىندەرىن ازىرلەۋ;
7) قازىلار القاسىنىڭ قۇرامىن قۇرۋ جانە ونىڭ قىزمەتىن ۇيلەستىرۋ.
«تەكتى ءسوزدىڭ تورەسى – تەرمە»
رەسپۋبليكالىق جىرشى-تەرمەشىلەر
بايقاۋىن وتكىزۋ جونىندەگى ەرەجەسىنە
قوسىمشا
«تەكتى ءسوزدىڭ تورەسى – تەرمە» رەسپۋبليكالىق جىرشى-تەرمەشىلەر بايقاۋىنا قاتىسۋشىعا ارنالعان دەرەكتەمەلىك اقپارات
- ت.ا.ءا. _________________________________________________________
- جاسى _________________________________________________________
- جىنىسى _________________________________________________________
- جۇمىسى _________________________________________________________
- مەكەنجايى
_________________________________________________________
- بايلانىس تەلەفوندارى
_________________________________________________________
- ناگرادالارى، ماراپاتتارى
__________________________________________________________
_________________________________________________________
8. فوتوسۋرەت (ەلەكتروندىق نۇسقاسىمەن بىرگە)
____________________________________________________________
اباي-اقپارات
