ءىستى قىلمىستىق ىستەر بويىنشا مامانداندىرىلعان اۋدانارالىق سوتتىڭ سۋدياسى ەربول احمەتجانوۆ قارايدى. ول 2012 جىلى شەكاراشى ۆلاديسلاۆ چەلاحقا قاتىستى ءىستى جانە 2015 جىلى ۇقك شەكارا قىزمەتىنىڭ بۇرىنعى باسشىسى نۇرلان جولامانوۆتىڭ ىسىندە سۋديا بولعان.

ۇلتتىق قاۋىپسىزدىك كوميتەتى بۇعان دەيىن "شىمكەنتسىرا" زاۋىتىنىڭ يەسى توقتار تولەشوۆكە "ادام ۇرلاۋ، زاڭسىز بوستاندىقتان ايىرۋ، بيلىكتى كۇشپەن باسىپ الۋدى ناسيحاتتاۋ، ەكسترەميستىك توپ قۇرۋ، قىلمىستىق قاۋىمداستىق قۇرىپ، ونى قارجىلاندىرۋ جانە باسشىلىق جاساۋ، بانديتيزم، پارا بەرۋ" تۋرالى ايىپتار تاعىلعانىن مالىمدەگەن.

تولەشوۆتىڭ قولمەن جازىلعان "كىناسىن مويىنداعان" ءماتىنىنىڭ فوتوكوشىرمەسى الەۋمەتتىك جەلىلەردە تاراپ كەتتى. تولەشوۆكە قاتىستى ءىس 29 تامىزدا اسكەري سوتقا كەلىپ ءتۇستى. قىلمىستىق ءىس 300 تومنان تۇرادى. ىسكە بايلانىستى جۇزدەن استام ادام كۋالىك ەتەدى. 13 سوتتالۋشى تەرگەۋ ءىسى بارىسىندا تۇتقىنعا الىنعان.

Abai.kz