وقو اكىمىنىڭ ءبىرىنشى ورىنباسارى دارحان ساتىبالدى جۇمىس ساپارىمەن وتىرار اۋدانىندا بولدى. 

وتىرار اۋدانىنا بارعان وبلىس اكىمىنىڭ ورىنباسارى اۋداننىڭ كۇرە جولدارىنىڭ ساپاسىنا ءسات سالىپ قايتتى.

وبلىس اۋماعىنداعى قۇرىلىسى جۇرگىزىلىپ جاتقان جولداردىڭ جاي-كۇيىمەن تانىسۋدى ماقسات تۇتقان جۇمىسشى توبى وتىرار اۋدانىنداعى كۇردەلى جوندەۋدەن وتكەن كح-12 «اقدالا-ءشاۋىلدىر» اۆتوموبيل جولىنىڭ ساپاسىن باقىلاپ، «ارىستانباب-ءشاۋىلدىر-تورتكۇل» جانە ء«شاۋىلدىر-كوكساراي» باعىتتارىنداعى ورتاشا جوندەۋدەن ءوتىپ جاتقان اۆتوموبيل جولدارىن كوردى.

قۇرىلىس جۇمىستارىنىڭ بارىسىنا قانىق بولعان د.ساتىبالدى وسى ىسكە جاۋاپتى باسقارما جانە مەكەمە باسشىلارى مەن مەردىگەرلەردىڭ قاتىسۋىمەن جيىن وتكىزدى. 

    باسقوسۋدا وبلىس اكىمىنىڭ ءبىرىنشى ورىنباسارى جول قۇرىلىسى جۇمىستارىنا قارجى مەرزىمىندە اۋدارىلسا دا، بەرىلۋگە ءتيىستى نىسانداردىڭ ۋاقىتىنان كەشىگىپ جاتقانىن ايتتى. ەڭ باستىسى، ساپاعا كوڭىل ءبولۋ كەرەكتىگىن جەتكىزگەن ول جۇمىستار ءتيىستى دەڭگەيدە اتقارىلماسا نىسانداردىڭ پايدالانۋعا قابىلدانبايتىنىن ەسكەرتتى. 

     ءوز كەزەگىندە، اۋدان اكىمى ەرلان ايتاحانوۆ جەرگىلىكتى حالىق ءۇشىن عانا ەمەس، «ارىستانباب» كەسەنەسى مەن «وتىرار توبەگە» كەلۋشى تۋريستەرگە قىزمەت ەتەتىن كۇرە جولدىڭ ماڭىزى زور ەكەنىن، كەلەسى جىلى وتەتىن «ەكسپو-2017» حالىقارالىق كورمەسى اياسىندا كەلەتىن قوناقتاردىڭ اۋداننان ريزا كوڭىلمەن قايتۋى ءۇشىن جولدىڭ تەگىس تە ساپالى بولۋىن ەرەكشە نازارعا العانىن اتاپ ءوتتى.

اباي اقپارات