17 قىركۇيەك كۇنى ساعات 14.30-دا «مەگا» ويىن-ساۋىق ورتالىعىنىڭ الاڭىندا (سەيفۋللين داڭعىلى مەن ماقاتاەۆ ك.قيىلىسى) الماتى قالاسى كۇنىنە وراي «الماتى – وقىرمان قالا» اتتى اكتسيانىڭ اشىلۋ سالتاناتى وتەدى.

شارانى ۇيىمداستىرۋشىلار: الماتى قالاسى مادەنيەت باسقارماسى مەن «ورتالىقتاندىرىلعان كىتاپحانا جۇيەسى».

مەرەكەلىك شارا قوناقتارىنا بالالاردىڭ شىعارماشىلىق توپتارى، قالالىق كونكۋرستاردىڭ لاۋرەاتتارى مەن جاس اقىندار ونەر كورسەتەدى.

بيبليودەسانت «كىتاپ پاتشالىعىنا شاقىرۋ»، «سىيلىق ال» سياقتى ت.ب. ءتۇرلى، قىزىقتى كونكۋرستار، شاحمات ءتۋرنيرى، سۇراق-جاۋاپ ويىندارى وتكىزىلەدى. سونىمەن قاتار، «ادەبي قوناق ۇيدە» سۇيىكتى اقىن-جازۋشىلارمەن كەزدەسۋ ۇيىمداستىرىلادى.

«الماتى  مەنىڭ سۇيىكتى قالام!» اتتى اسفالتقا سۋرەت سالۋدان جارىس وتەدى.

الماتى باسپالارىنىڭ كىتاپتارىنىڭ جارمەڭكەسى بولادى.

اكتسيا اياسىندا  عىلىمعا قىزىعۋشىلارعا، پوليگلوتتارعا ارنالعان شەبەرلىك ساعاتتارى وتكىزىلەدى.  

«تاڭ قالامىن كەلبەتىڭە ارۋ قالام، الماتى!» اتتى جاس سۋرەتشىلەردىڭ كونكۋرسى، «الماتى – ءان – جىر - تاريح»، «ورتالىقتاندىرىلعان كىتاپحانا جۇيەسى»، «تاۋەلسىزدىك شەجىرەسى»، «سۇيىكتى كىتاپتارىم» اتتى كىتاپ كورمەلەرى قويىلىپ، جاسوسپىرىمدەر مەن بالالارعا ارنالعان «اق جەلكەن»، «ۇركەر»، «بالدىرعان»، «ۇلان»، ء«مولدىر بۇلاق» اتتى باسىلىمداردىڭ دا كورمەسى ۇيىمداستىرىلادى.

وتكىزىلگەلى وتىرعان ماقساتى ايقىن شارانىڭ قۇرمەتتى قوناعى بولىڭىزدار!!!

بايلانىس تەل.: 291 63 51; 279 33 15; 273 11 00

اباي-اقپارات