كەشە اقورداداعى اق جاعالىلار اراسىندا اۋىس-ءتۇيىس بولعانى بەلگىلى. اۋىسقانداردىڭ اراسىندا جاڭا كادر، جاڭا ەسىم ەستىلمەگەنىمەن، ەندى تاعايىندالعان پرەمەر-مينيستر باقىتجان ءابدىرۇلىنىڭ ورىنباسارى قىزمەتىنە قورعانىس سالاسىن، ودان ارىدە ءوزى دە ۇكىمەت تىزگىنىن ۇستاعان يمانعالي نۇرعاليۇلى كەلدى. ۇكىمەتتىڭ ءۇش باسشىسى – ساعىنتاەۆ، مامين جانە تاسماعامبەتوۆتەن بولەك ءبىرسىپىرا شەندى ورىنىن الماستىردى. انىعىراق ايتساق، كابينەت الماستىردى. وسىلايشا ەلورداداعى يلليۋستراتسيا جوعارعى بيلىك تىزگىنشىسىنىڭ جاڭا فورماتتا «روكيروۆكا» جاساۋىمەن اياقتالدى.

سونىمەن مەملەكەت باسشىسىنىڭ كەشە كۇن بەسىننەن الاگەۋىمگە دەيىن  اپىر-تاپىر اۋىس-ءتۇيىس جاساۋىنىڭ استارىندا نە جاتىر؟ مەملەكەت باسشىسىنىڭ بۇل قادامىن سامارقانعا جاساعان ساپارىمەن بايلانىستىرىپ جاتقاندار دا جوق ەمەس. 

حوش، ءسويتىپ نۇرسۇلتان نازارباەۆ ۇكىمەتتەگى جانە بىرقاتار مەملەكەتتىك ورگاندارداعى جاڭا تاعايىنداۋلار مەن قۇرىلىمدىق وزگەرىستەرگە تۇسىنىكتەمە بەرە وتىرىپ، ەسكى ۇكىمەتتىڭ جىبەرگەن ورەسكەل قاتەلىكتەرىن جاڭا ۇكىمەتتىڭ قايتالاماۋىن قاداپ ايتتى.

– جاقىندا وبلىستاردىڭ، استانا مەن الماتى قالالارى اكىمدەرىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا داعدارىسپەن كۇرەس جۇمىسىنان ەكونوميكانىڭ ءوسىمىن ىنتالاندىرۋ باعدارلاماسىنا كوشۋ جونىندەگى شارالار تالقىلاندى. بۇل قوسىمشا جۇمىس ورىندارىن اشۋدى،  اتاپ ايتقاندا، اۋىل شارۋاشىلىعىندا، تۇرعىن-ءۇي قۇرىلىسىندا جانە باسقا دا سالالاردا حالىقتىڭ تابىسىن ارتتىرۋدى كوزدەيدى. وسىعان بايلانىستى جاڭا مينيسترلەر كابينەتى الدىنا ناقتى مىندەتتەر قويىلدى. ۇكىمەت قۇرامىندا جاسالعان وزگەرىستەر باسقارۋشىلاردىڭ جاڭا بۋىنىنىڭ، سونىڭ قاتارىندا «بولاشاق» باعدارلاماسى تۇلەكتەرىنىڭ دە ۋاقىتى كەلگەنىن كورسەتەدى، – دەدى نۇرسۇلتان نازارباەۆ.

نۇرزات توعجان
Abai.kz