تۇركيا ۇكىمەتى گۇلەننىڭ جاقتاستارى قازىرگى بيلىكتى قۇلاتۋ ءۇشىن بۇلىك جاسادى دەپ ەسەپتەيدى. ءدىن ۋاعىزداۋشىنى قايتارۋ ماسەلەسى تۇركيا جانە اقش پرەزيدەنتتەرى رەجەپ تايىپ ەردوعان مەن باراك وباما اراسىندا تالقىلاندى. ولار قىركۇيەكتىڭ باسىندا قىتايدا "ۇلكەن جيىرمالىق" ءسامميتى اياسىندا كەزدەستى.

امەريكالىق اكىمشىلىكتىڭ رەسمي وكىلىنىڭ جۋرناليستەرگە حابارلاۋىنشا، وباما ەردوعانمەن كەزدەسۋدە ماسەلەنىڭ ساياسي ەمەس، زاڭ جولىمەن شەشىلۋىنە كەڭەس بەرگەن.

بۇعان دەيىن تۇركيا اقش-تان گۇلەندى ۇستاپ بەرۋىن بىرنەشە مارتە سۇراعان. تۇركيانىڭ بىرنەشە قالاسىندا وسى تالاپتى جاقتاعان جاپپاي شەرۋلەر ءوتتى. فەتحۋللاح گۇلەن امەريكالىق تەلەارنالارعا بەرگەن سۇحباتتارىندا رەجەپ ەردوعان بيلىگىن تايدىرۋ تالپىنىسىنا قاتىستى بۇل ايىپتاۋلاردىڭ بارلىعىن جوققا شىعاردى.