2017 جىلى الماتىدا وتەتىن ۋنيۆەرسياداعا جەرلەستەرىمىز ەمەس، رەسەيلىكتەر ەرەكشە قىزىعۋشىلىق ءبىلدىرىپ وتىر، - دەپ حابارلايدى 31 ارنا.

بايراقتى باسەكە كەزىندە 3 مىڭ ەرىكتى  كەرەك بولسا، تەك رەسەيدىڭ وزىنەن وسىنشا ادام الماتىعا كەلىپ، قىزمەت ەتۋگە نيەت ءبىلدىرىپتى.

الەمنىڭ 60-قا جۋىق مەملەكەتى ەندى الماتىدا وتەتىن 28 ءشى قىسقى ۋنيۆەرسياداعا كوز تىگە باستادى. وعان سپورتشىلار، تۋريستەر بار، بارلىعىن قوسقاندا 30 مىڭداي مەيمان كەلەدى دەگەن بولجام بار. 
ءدۇبىرلى دودانىڭ وتۋىنە اسىرەسە رەسەيلىك ەرىكتىلەر ەرەكشە قىزىعۋشىلىق ءبىلدىرىپ وتىر. 

المات قۇندىباەۆ، «الماتى ۋنيۆەرسيادا 2017» ديرەكتسياسىنداعى ەرىكتىلەر دەپارتمەنتىنىڭ جەتەكشىسى:
- بۇگىنگى تاڭدا 5000 ءوتىنىش كەلىپ تۇسكەن. ونىڭ جارتىسىنان كوبى رەسەيلىكتەر. شەت ەلدەن كەلگەندەرگە قوناق ءۇي، تاماق جانە ءجۇرىپ تۇرۋىن رەتتەپ بەرەمىز. ولاردىڭ كوپتەپ كەلۋدەگى نەگىزىگى ماقساتى- تاجىريبە جيناعىسى كەلەدى. سونداي اق «كۇمىس» ەرىكتىلەر، ياعني زەينەت جاسىنا شىققاندار كوپ جۇمىس جاسايدى. ولاردىڭ اراسىندا بەلگيا، نورۆەگيا جانە رەسەيلىكتەر بار. 

ال حالىق جانە الماتى ارەنا دەپ اتالاتىن قوس مۇز ايدىننىڭ قۇرىلىسىنىڭ 90 پايىزى اياقتالىپ جۋىردا قولدانىسقا بەرىلۋگە دايىن. العاشقىسىنىڭ سىيىمدىلىعى 3000 مىڭ ادام بولسا، الماتى ارەناعا ءبىر مەزەتتە 12 مىڭ ادام كىرە الادى ەكەن. ال جىلىنا ۋنيۆەرسيادا ديرەكتسياسى 750 مىڭ ادام، ياعني الماتىنىڭ تەڭ جارتىسى وسى جەرگە كەلەدى دەپ جوسپارلاپ وتىر. ودان بولەك ارەنانىڭ اتاۋىن ساتىپ جانە ولاردى جالعا بەرىپ، قىرۋار قارجىعا كەنەلمەك كورىنەدى.

الايدا قاراپايىم  حالىقتىڭ قارجىعا قارىق بولامىز دەگەن ۇمىتىنەن كۇدىگى باسىم. پايدا تابۋ بىلاي تۇرسىن، جۇرت اۋەلى نىسانداردىڭ قايدا ورنالاسقانىن، ولاردىڭ اتاۋى قالاي، ءتىپتى ۋنيۆەرسيادا قاشان جانە قايدا وتەتىنەن بەيحابار.

Abai.kz