يمانعالي تاسماعامبەتوۆ قر پرەمەر-ءمينيسترىنىڭ ورىنباسارى بولىپ تاعايىندالدى، - دەپ حابارلايدى ابايواقپارات تىلشىسى اقورداعا سىلتەمە جاساپ.

يمانعالي تاسماعامبەتوۆ قر پرەزيدەنتىنىڭ كومەكشىسى، قر پرەمەر-ءمينيسترىنىڭ ورىنباسارى، مادەنيەت جانە ءبىلمى ءمينيسترى قىزمەتتەرىندە بولدى. 1999 جىلدان باستاپ اتىراۋ وبلىسىنىڭ اكىمى بولدى. 2002 جىلدان باستاپ قر پرەمەر -ءمينيسترى بولدى. ال 2004 جىلى قر پرەزيدەنتى اكىمشىلىگىنىڭ باسشىسى بولىپ تاعايىندالسا، 2004 جىلدىڭ جەلتوقسان ايىنان باستاپ 2008 جىلدىڭ ءساۋىر ايىنا دەيىن الماتى قالاسىنىڭ اكىمى بولدى. 2008 جىلدىڭ ءساۋىر ايىنان 2014 جىلدىڭ قازان ايىنا دەيىن استانا قالاسىنىڭ اكىمى قىزمەتىن اتقاردى. 

2014 جىلدىڭ قازان ايىنان باستاپ قر قورعانىس ءمينيسترى قىزمەتىندە بولدى.

ايتا كەتەيىك، يمانعالي تاسماعامبەتوۆ بيىل جەلتوقسان ايىندا 60 جاسقا تولادى. ونىڭ ءۇش بالاسى بار.

ال، قورعانىس ءمينيسترى بولىپ جاسۇزاقوۆ ساكەن ءادىلحانۇلى تاعايىندالدى.

2016 جىلى قىركۇيەكتىڭ 13-ءى يمانعالي تاسماعامبەتوۆ قر پرەمەر-ءمينيسترىنىڭ ورىنباسارى بولىپ تاعايىندالدى

جاسۇزاقوۆ ساكەن ءادىلحانۇلى 1957 جىلى قازاننىڭ 25-ىندە وڭتۇستىك قازاقستان وبلىسى بايدىبەك اۋدانى شالدار اۋىلىندا دۇنيەگە كەلگەن. 

الماتى جوعارى جالپى اسكەري كوماندالىق ۋچيلەشەسىن (1978), ماسكەۋ اسكەري اكادەمياسىن (1990) بىتىرگەن. 1978 - 1987 جىلدارى بالتىق بويى اسكەري وكرۋگىندە بارلاۋ ۆزۆودى كومانديرى، بارلاۋ روتاسى كومانديرى، جەكە بارلاۋ باتالونى شتابى باستىعى قىزمەتتەرىن اتقارعان. 1990 - 1994 جىلدارى الماتى قالاسىنداعى اۋداننىڭ ازاماتتىق قورعانىس شتابى باستىعى، قازاقستان رەسپۋبليكاسى قورعانىس مينيسترلىگى شتابىنىڭ بارلاۋ بولىمىندە اعا وفيتسەر، بارلاۋ باسقارماسىنىڭ عىلىمي-اقپارات ءبولىمىنىڭ باستىعى، 1994 - 1996 جىلدارى رەسەي قارۋلى كۇشتەرى باس شتابى اسكەري اكادەمياسىنىڭ تىڭداۋشىسى، 1996 - 2000 جىلدارى قازاقستان قارۋلى كۇشتەرى باس شتابى باستىعىنىڭ ورىنباسارى، شۇعىل جوسپارلاۋ دەپارتامەنتىنىڭ باستىعى، ارميالىق كورپۋس كومانديرىنىڭ ورىنباسارى، شتاب باستىعى بولىپ جۇمىس جاسادى. 2000 جىلدان اسكەري قۇراما كومانديرى.

Abai.kz