قاس-قاعىم ءسات. تۋعان جەرگە سۇيىسپەنشىلىك
«مەن قازاقستاندى جاقسى كورەمىن» تاقىرىبىندا فوتوبايقاۋ وتەدى.
«اتامەكەن» قر ۇكپ ەلوردالىق تۋريزم قاۋىمداستىعىمەن جانە قازاقستاننىڭ تۋريستىك اگەنتتىكتەرى قاۋىمداستىعىمەن بىرىگىپ، «مەن قازاقستاندى جاقسى كورەمىن» فوتوبايقاۋىن وتكىزەدى. فوتوبايقاۋ قازاقستاننىڭ تۋريستىك ورىندارىن تانىتۋ جانە وڭىرلەردەگى تۋريستىك الەۋەتتى ارتتىرۋ ماقساتىندا وتكىزىلەدى.
بۇل فوتوبايقاۋ كاسىبيلەرمەن قاتار، فوتوونەردى جاقسى كورەتىندەر ءۇشىن ءوزىن تانىتىپ، باي تاريحى، عاجاپ تابيعاتى مەن وزىندىك مادەنيەتى، سالت-ءداستۇرى بار قازاقستاندى فوتواپپارات وبەكتيۆى ارقىلى كورسەتۋگە كەرەمەت مۇمكىندىك ۇسىنىپ وتىر.
فوتوبايقاۋ جەڭىمپازدارىنا باعالى سىيلىقتار تابىستالادى.
سونىمەن قاتار، فوتوبايقاۋعا قاتىسۋشىلاردىڭ ۇزدىك جۇمىستارى 2016 جىلدىڭ 28 قىركۇيەگى كۇنى، Radisson Astana قوناقۇيىندە وتەتىن قازاقستان-قىتاي تۋريستىك فورۋمى اياسىنداعى فوتوكورمەگە قاتىستىرۋعا ىرىكتەلىنىپ الىنادى.
«كورەرمەندەر كوزايىمى» اتالىمىنىڭ جەڭىمپازى Facebook الەۋمەتتىك جەلىسىندەگى «مەن قازاقستاندى جاقسى كورەمىن» فوتوبايقاۋى» رەسمي پاراقشاسىندا اشىق داۋىس بەرۋ ارقىلى انىقتالادى (#مەنقازاقستاندىجاقسىكورەمىن بىرىڭعاي حەشتەگىمەن).
فوتوبايقاۋدىڭ تاقىرىپتارى:
• تاريح قويناۋىنان. قازاقستاننىڭ مادەني جانە تاريحي نىساندارىمەن جانە ولاردىڭ زاماناۋي كەلبەتىن بەينەلەيتىن فوتولار;
• دانەكەر ساباقتاستىق. قازاقستانداعى ۇرپاقتار ساباقتاستىعىن كورسەتەتىن سۋرەتتەر. سونىمەن قاتار، بۇل ساناتقا قازاقستاندىقتاردىڭ زاماناۋي الەمدەگى كونە سالت-داستۇرلەرىن پاش ەتەتىن سۋرەتتەر دە كىرەدى;
• تۋعان جەردە دەمالامىز. بۇل ساناتقا قازاقستان تۋريزمىمەن جانە تۋريستىك ورىندارىمەن بايلانىستى سۋرەتتەر كىرەدى.
• بىرلىك تۇبى تىرلىك. قازاقستان رەسپۋبليكاسىندا كوپتەگەن ۇلت وكىلدەرى تۇراتىندىعىن بەينەلەيتىن سۋرەتتەر: قازاقستاندى مەكەن ەتەتىن تۇرلى ۇلت وكىلدەرىنىڭ ومىرىنەن، ەتنو-مادەني فەستيۆالداردان، باسقا دا ۇلتتىق شارالاردان كورىنىستەر.
• قالا تىنىسى. قازاقستاننىڭ قالالارى مەن سول قالالارداعى ومىر ىرعاعى بەينەلەنگەن سۋرەتتەر.
• تابيعات اياسىندا. جابايى تابيعاتتىڭ، جان-جانۋارلار مەن وسىمدىك الەمىنىڭ سۋرەتتەرى.
فوتوبايقاۋعا مىنا شارتتاردى ورىنداعان كەز كەلگەن تىلەك ءبىلدىرۋشى قاتىسا الادى:ء وزىن فوتوبايقاۋ قاتىسۋشىسى تەرىندە تىركەۋى قاجەت، سونداي-اق، ءوزىنىڭ بايقاۋعا جىبەرەتىن جۇمىستارىن 2016 جىلدىڭ 20 قىركۇيەگىنە دەيىن قازاقستان-قىتاي تۋريستىك فورۋمىنىڭ www.tourism-forum.kz دەگەن رەسمي سايتىنا جىبەرۋى كەرەك. الدىمەن فوتوبايقاۋدىڭ ەرەجەسىمەن مۇقيات تانىسىپ الۋى شارت.
Abai.kz
