پرەزيدەنت جارلىعىمەن باقىتجان ساعىنتاەۆ پرەمەر-مينيستر بولىپ تاعايىندالدى. ونىڭ كانديداتۋراسىن ءماجىلىس دەپۋتتارى قولداعان.

كەشە قازاقستان ۇكىمەتىن ۇزاق جىل باسقارعان كارىم ءماسىموۆ قىزمەتىنەن بوساپ، ۇقك-نىڭ توراعاسى بولىپ تاعايىندالعان ەدى. ءسويتىپ، باقىتجان ساعىنتاەۆ ۇكىمەت باسشىسىنىڭ مىندەتىن ۋاقىتشا اتقارۋشى بولىپ بەكىتىلگەن. ەندى مىنە، رەسمي تۇردە قازاقستان ۇكىمەتىن باسشىسى بولدى.

بيلىكتەگى وزگەرىستەرگە قاتىستى پرەزيدەنت ن.نازارباەۆ: «كوپكە سوزبايمىز. ۇلكەن وزگەرىستەر بولادى دەپ ويلامايمىن. ويتكەنى، ۇكىمەت قيىن كەزەڭدە جۇمىس ىستەپ، الدىنا قويىلعان مىندەتتەردى اتقارىپ وتىر» دەگەن ەدى.
ەندى باقىتجان ساعىنتاەۆ جاڭا ۇكىمەتتى جاساقتاۋى ءتيىس. الايدا، پرەزيدەنتتىڭ سوزىنە قاراعاندا، اناۋ ايتقانداي وزگەرىستەر بولمايتىن سىقىلدى. پرەزيدەنتتىڭ «ۇكىمەت قيىن كەزەڭدە جۇمىس ىستەپ، الدىنا قويىلعان مىندەتتەردى اتقارىپ وتىر» دەگەن سوزىنە قاراپ، ەندەشە، ۇكىمەتتى اۋىستىرۋدىڭ قانداي قاجەتتىلىگى بولدى دەگەن ساۋال تۋادى. ءبىزدىڭ شە، ۇكىمەتتىڭ اۋىسۋىنا كارىم ءماسىموۆتىڭ قوعام تاراپىنان كوپ سىنعا ۇشىراۋى سەبەپ بولعان سياقتى. ايتپەسە، ساعىنتاەۆ ۇكىمەتى دە ىشكى-سىرتقى ساياساتتا، ەل ەكونوميكاسىندا ۇلكەن وزگەرىستەر مەن رەفورمالار جاسايدى دەگەنگە سەنۋ قيىن. 

نۇرا ماتاي

abai.kz