«اكىمدەر اۋىل شارۋاشىلىعى مينيسترلىگىمەن بىرلەسە وتىرىپ، قازىرگى جەر قورىن تولىعىمەن تۇگەندەپ شىعۋى ءتيىس. وسىدان كەيىن قالالاردىڭ باس جوسپارىن وزگەرتۋ بويىنشا ءتيىستى ۇسىنىستارلى ەنگىزۋ كەرەك. اكىمدەرگە جەردى مەملەكەت مەنشىگىنە، سونىڭ ىشىندە، جەكە تۇرعىن ۇيگە قاجەتتى جەرلەردى ساتىپ الۋ قۇقىعىن بەرگەن دۇرىس. ءيا، قالانىڭ ىشىندە جەر جوق. بار بولسا، بەرىڭدەر. وعان ينجەنەرلىك جەلىلەردى دە تارتۋ وڭاي. ال قالانىڭ سىرتىنداعى جەرلەر كىم كورىنگەننىڭ قولىندا كەتتى. ەندى، شالقايىپ جاتىر. اكىمدەر ونى الىپ قويا المايدى. ايتپاقشى، قازىر، كوبىنەسە، استانا، الماتى، شىمكەنت سياقتى قالالاردا 10 جەرگە سۇرانىس جوعارى. سوندىقتان اكىمدەر بوس جاتقان جەرلەردى زاڭدى تۇردە الۋى قاجەت. ەگەر جەردى زاڭعا سايكەس يگەرمەي جاتسا، پروكۋرورلارمەن بىرگە بارىپ، الىپ قويۋ قاجەت. بولماسا، وزدەرى ساتىپ العان كاداسترلىق باعاسىمەن قايتارعان ءجون. وسىنى الدىن الا ەسكەرتىپ وتىرمىز، جەردى الدىندار ما، فەرما سالامىز دەدىڭدەر مە، ءۇي سالامىز دەپ ايتتىڭدار، ەندى سوعان جاۋاپ بەرەتىن كەز كەلدى. بۇل ماسەلەنى ۇزاققا سوزۋعا بولمايدى. مىنە، سول كەزدە ادامدار 10 سوتىق جەرلەرىن الىپ، جەكە ۇيلەرىن سالا الادى. بۇنى قولعا الساق، قۇرىلىس سالاسى جاندانا تۇسەدى. قۇرىلىس ماتەريالدارىنا سۇرانىس كوتەرىلەدى. ادامنىڭ ءوزى ءۇيى بولعانعا نە جەتسىن! ەرتەڭ ول ءۇي بالاسىنا قالادى، نەمەرەسىنە قالادى»، - دەپ اتاپ كورسەتتى ن.نازارباەۆ.

ايتا كەتەيىك، 10 سوتىق جەر بەرۋ ماسەلەسى جەر كوميسسياسىنىڭ وتىرىستارىندا كوتەرىلگەن بولاتىن. سول كەزدە كوميسسيا باسشىسى اسقار مىرزاxمەتوۆ: «بۇگىندە اكىمدەر قالانىڭ سىرتىنداعى جەكە مەنشىك جەرلەردى مەملەكەت مەنشىگىنە قايتارا المايدى. زاڭ بويىنشا ول جەردە مەكتەپ، اۋرۋxانا، يا بولماسا، بالاباقشا سياقتى الەۋمەتتىك نىساندار سالىنسا عانا ونى مەملەكەت مەنشىگىنە قايتارۋعا رۇقسات بار»، - دەپ ايتقان بولاتىن.

دەمەك، پرەزيدەنتتىڭ بۇگىنگى باستاماسىن ىسكە اسىرۋ ءۇشىن زاڭناماعا وزگەرىس ەنگىزىپ، اكىمدەرگە بوس جاتقان جەرلەردى مەملەكەت مەنشىگىنە قايتارۋ مۇمكىندىگىن بەرۋگە بولادى.

Abai.kz