ءىىم مالىمەتى بويىنشا، ولار قازىر ىزدەۋدە ءارى ولاردىڭ اتتارىنا تىركەلگەن قۇجاتتاردىڭ قىرعىزستاندا بوگدە ادامداردىڭ قولدارىنا قالاي تاپ بولعانى تۇسىنىكسىز.

«بىشكەكتەگى تەرروريستىك اكتىنى ء«الي» دەگەن لاقاپ اتقا يە قىرعىزستان ازاماتى يززاتيللو سوتيبوەۆ جاساعان. ونىڭ قولىندا يم مۇشەسى، تاجىكستان ازاماتى فيرداۆس بوبودجونوۆتىڭ تولقۇجاتى بولعان»، -دەلىنگەن حابارلامادا. ​

ۇستىمىزدەگى جىلدىڭ مامىر ايىندا فيرداۆس بوبودجونوۆ سيريادا بولعان. ونىڭ ۇستىنەن تاجىكستاننىڭ قۇقىق قورعاۋ ورگاندارى شەتەلدە سوعىس ارەكەتتەرىنە قاتىسقانى ءۇشىن قىلمىستىق ءىس قوزعاعان. قازىر تاجىكتىڭ ارنايى قىزمەتى فيرداۆس بوبودجونوۆ پەن زوير حاليلوۆتى ىزدەۋ ۇستىندە.

قىرعىزستاننىڭ ارنايى قىزمەتى 6 قىركۇيەكتە بىشكەكتەگى قىتاي ەلشىلىگىندە تەراكت جاساعان ادامنىڭ اتى-ءجونى بەلگىلى بولدى دەپ مالىمدەدى. ولاردىڭ بىرەۋى ۇيعىر ازاماتى بولعان، قولىندا زوير حاليلوۆكە بەرىلگەن تاجىك تولقۇجاتى بولعان. ول تۇركىستاننىڭ يسلام قوزعالىسىنىڭ مۇشەسى بولعان. سيرياداعى «جابحات ان نۋسرا» ۇيىمىمەن بايلانىسى بار ۇيعىر تەرروريستىك توبىنىڭ تاپسىرماسى بويىنشا تەراكت جاساعان.