سارسەنبى, 13 قاراشا 2019
نە كورىپ ءجۇرسىز؟ 6412 0 پىكىر 2 قىركۇيەك, 2016 ساعات 13:17

نازارباەۆ وزبەكستانعا نە ءۇشىن بارا جاتىر؟

قازاقستان پرەزيدەنتى نۇرسۇلتان نازارباەۆ سەنبى كۇنى وزبەكستانعا ساپارلاتپاق ەكەن. بۇل تۋرالى «يا نوۆوستي-كازاحستان» اگەنتىگى «رەيتەرگە» سىلتەمە جاساي وتىرىپ حابارلادى.

ال بۇگىن  ەلباسى  نۇرسۇلتان ءابىشۇلى رەسمي ءىس-ساپارمەن قىتايدىڭ حۋانچجوۋ قالاسىندا ءجۇر. مۇندا 4-5 قىركۇيەك اراسىندا G-20 ءسامميتى وتەدى دەپ جوسپارلانعان.

ال سامميتكە ءسال ەرتە بارعان ەلباسى قحر توراعاسى سي تسزينپينمەن كەزدەسىپ، بىرقاتار كەلىسىمدەرگە قول قويدى. سونىڭ ىشىندە ەكى ەلدىڭ  اۋىلشارۋاشىلىق مينيسترلىكتەرى، ەكونوميكا مينيسترلىكتەرى مەن سىرتقى ىستەر مينيسترلىكتەرى اراسىندا ىسكەرلىك كەلىسىمدەر جاسالدى.

اگەنتتىكتىڭ مالىمەتتەرىنە سۇيەنسەك، سامميتكە بارعان ەلباسى نۇرسۇلتان ءابىشۇلى شۇعىل تۇردە قحر اۋەجايىنان وزبەكستانعا اتتانباق ەكەن.

«Abai.kz» پورتالى وسىنىڭ الدىندا وزبەكستان پرەزيدەنتىنىڭ قايتىس بولعاندىعى تۋرالى وزبەكستاندىق باق ماتەريالدارىن جاريالاعان ەدى. وندا يسلام كاريموۆتى جەرلەۋ ءراسىمى سەنبى كۇنى سامارقاندا وتەتىنى ايتىلعان.

مەملەكەت باسشىسى نۇرسۇلتان ءابىشۇلىنىڭ اياق استىنان وزبەكستانعا اتتانۋىنىڭ سەبەبى وزبەك باسشىسىنىڭ دەنساۋلىعىنا بايلانىستى بولسا كەرەك-ءتى.

ايتا كەتەيىك، بۇگىن وزبەكستان ۇكىمەتى يسلام كاريموۆتىڭ جاعدايى تىم اۋىرلاپ كەتكەنىن حابارلاعان.

نۇرزات توعجان

Abai.kz

0 پىكىر