جۇما, 29 ناۋرىز 2024
جاڭالىقتار 3891 0 پىكىر 30 تامىز, 2016 ساعات 14:25

قۋانىش ايتاحانوۆ شارداراعا كەلدى

قر پارلامەنت سەناتىنىڭ دەپۋتاتى قۋانىش ايتاحانوۆ شاردارا اۋدانىنا ارنايى ىسساپارمەن كەلدى. اۋدان اكىمدىگىنىڭ ۇلكەن ءماجىلىس زالىندا وتكەن حالىقپەن جۇزدەسۋ كەزىندە سەناتور پارلامەنتتە اتقارىلىپ جاتقان جۇمىستارمەن كوپشىلىكتى حاباردار ەتتى.

-شارداراعا كەلمەگەنىمە ەكى جىل بولىپتى. ەكى جىلدىڭ ىشىندە ەلىمىزدە دە، وسى اۋداندا دا كوپتەگەن وزگەرىستەر، يگى جاڭالىقتار ورىن الىپ جاتىر. الەمدى شارپىعان داعدارىستىڭ سالقىنى ەل بيۋدجەتىنە سالقىنىن تيگىزبەي قويمادى. الايدا، ەلباسىمىز نۇرسۇلتان ءابىشۇلى نازارباەۆتىڭ كورەگەن ساياساتىنىڭ ارقاسىندا ءتۇرلى قيىندىقتاردى ەڭسەرىپ كەلەمىز، - دەگەن قۋانىش ايتاحانوۆ پارلامەنت قابىرعاسىندا قابىلدانىپ جاتقان زاڭ جوبالارىمەن دە تانىستىرىپ ءوتتى. –وسى كەزەڭ ىشىندە 159 زاڭ قابىلداعان بولساق، سونىڭ 59-ى «100 ناقتى قادامدى» ىسكە اسىرۋ جايلى بولعانىن ايتۋىمىز كەرەك. بيىلعى جىلى قارالىپ جاتقان ەڭ باستى ماسەلە – جەر رەفورماسى تۋرالى ەكەنىن بارشاڭىز جاقسى بىلەسىزدەر. قۇرامىندا قاراپايىم شارۋادان باستاپ، زاڭگەر، ساياساتكەر، زيالى قاۋىم وكىلدەرىنەن قۇرالعان بارلىعى 75 ادامنان تۇراتىن كوميسسيا بىرنەشە ۋاقىت بويى زەرتتەۋ جۇمىستارىن جۇرگىزدى. جەر تۋرالى كوميسيانىڭ العاشقى وتىرىسى ءۇزىلىسسىز 7,5 ساعاتقا سوزىلعانىن بىرەۋ بىلسە، بىرەۋ بىلمەيدى. حالىقتىڭ 90 پايىزى جەردى ساتۋعا، شەتەلدىكتەرگە 25 جىلعا جالعا بەرۋگە قارسى ەكەندىكتەرىن ءبىلدىردى. ءبىر سوزبەن ايتقاندا جەر كودەكسىندە كوپتەگەن كەمشىلىكتەر بارى انىقتالىپ وتىر. كوميسسيا وسىنىڭ ءبارىن جيناپ ەلباسىعا ۇسىندى. ناتيجەسىندە، تاعى دا 5 جىلعا دەيىن جەردى جالعا بەرۋگە توقتام جاسالىندى. بۇل دەگەنىمىز، ۇلكەن كۇش حالىقتا ەكەنىن كورسەتەدى...

جەر رەفورماسى تۋرالى ەگجەي-تەگجەيلى ءتۇسىندىرىپ، حالىققا جاقسى حابار جەتكىزگەن سەناتورعا اۋدان تۇرعىندارى العىستارىن ءبىلدىرىستى. سونىمەن بىرگە، ءبىراز ازاماتتار وزدەرىن تولعاندىرىپ جۇرگەن ماسەلەلەرىن دە ايتىپ قالىستى. اۋىل اقساقالدارى بولات قۇرباەۆ، ءمۇسالىم بازارباەۆ، تاسبولات يۋسۋپوۆ، تۇگەلباي پاشاروۆ، شاكىر ءابدىرايىموۆ، ارداگەر ۇستاز جامال تولەشوۆا اۋىز سۋ، اعىن سۋ، مال جايىلىمى جانە ءبىلىم سالاسىنداعى وقۋلىقتار تۋرالى ماسەلە كوتەردى. ال، اۋداندىق ءماسليحات دەپۋتاتى توقسانباي بەردىبەكوۆ ءماسليحاتتاردىڭ 20 جىلدىعىنا وراي شىعارىلعان «حالىق تاڭداعان قالاۋلىلار» كىتابىن قۋانىش ايتاحانوۆقا سالتاناتتى تۇردە تابىس ەتتى.

جيىندى جۇرگىزىپ وتىرعان اۋدان اكىمى ارمان ابدۋللاەۆ كەزدەسۋ سوڭىندا  ەلباسى ساياساتىن  حالىققا كەڭىنەن ءتۇسىندىرىپ وتكەن حالىق قالاۋلىسى قۋانىش ايتاحانوۆقا كوپتىڭ اتىنان العىس سەزىمىن جەتكىزدى.

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594