كۇرىش پەن ماقتادان بولەك شاردارالىقتار كوپ جىلدىق ەكپەلەردى قولعا الا باستادى. ماسەلەن، سوڭعى ءبىر جىلدىڭ كولەمىندە تۇرىسبەكوۆ اۋىلدىق وكرۋگىندە 220 گەكتارعا، جاۋشىقۇم اۋىلىندا 55 گەكتارعا، قوسسەيىت اۋىلىندا 13 گەكتارعا ءجۇزىم كوشەتتەرى وتىرعىزىلعان. ءجۇزىمنىڭ «تايفي روزوۆىي» سورتىن ەككەن شارۋالار ءونىمدى ءۇش جىلدان سوڭ الاتىنىن ايتۋدا. ال اۋداندا 209 گەكتار جەرگە ەگىلگەن ءجۇزىم القابىنان ءونىم جينالۋدا. بۇگىنگى كۇنگە گەكتارىنا 35 تسەنتنەر ءونىم العان ديقاندار 731,5 توننا ءجۇزىم جيناعان.                                      سونىمەن قاتار، اۋدان تۇرعىنى ا.يبادۋللاەۆ 10 گەكتار القاپقا المانىڭ «پاۆلينكا» دەپ اتالاتىن سورتىن ءوسىرۋدى قولعا العان.  ال بۇگىنگە دەيىن اۋداندا 70 گەكتار جەرگە ەگىلگەن الما باۋدان گەكتارىنا 25 تسەنتنەر ءونىم ءتۇسىپ، جالپى 175 توننا الما جينالعان.

شاردارالىق شارۋالار  2010 جىلدان بەرى جالپى كولەمى 1097 گەكتار جەرگە ەگىلگەن باۋ-باقشادان مول ءونىم جيناپ كەلەدى. بۇدان تۇسەر پايدانىڭ مول ەكەنىنە كوزى جەتكەن ديقاندار باۋ-باقشانى ءارى قاراي دامىتۋدى جوسپارلاپ وتىر. قازىرگى تاڭدا جينالعان ونىمدەر اۋداننىڭ ىشكى نارىعىنا شىعارىلۋدا.

شاديار مولدابەكوۆ

Abai.kz