جەكە كاسىپكەر باقىتجان سەرمانيزوۆ پەن شاردارا اۋداندىق دەنە شىنىقتىرۋ جانە سپورت ءبولىمىنىڭ ۇيىمداستىرۋىمەن بالىق ۇستاۋدان حالىقارالىق تۋرنير وتكىزىلدى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسو زقىزمەتىنە سىلتەمە جاساي وتىرىپ حابارلايدى.

 شاردارا سۋ قويماسىنىڭ جاعالاۋىندا وتكەن بالىقشىلار جارىسىنا وزبەكستان رەسپۋبليكاسى مەن ەلىمىزدىڭ استانا، الماتى، تاراز، قىزىلوردا، وڭتۇستىك جانە سولتۇستىك قازاقستان سەكىلدى بىرقاتار قالالارى مەن وبلىستارىنان كوماندالار كەلىپ قاتىستى.

ەكى كۇن بويىنا وتكەن جارىستا قارماقپەن ەڭ كوپ بالىق اۋلاعان كوماندالار جەڭىمپاز اتاندى. تورەشىلەردىڭ شەشىمىمەن ءى ورىندى شىمكەنت قالاسىنىڭ «اسپان» كومانداسى يەلەنسە، ءىى ورىندى وزبەكستان رەسپۋبليكاسىنىڭ كومانداسى، ءىىى ورىندى سارىاعاش قالاسىنىڭ «التىن بالىق» كومانداسى ەنشىلەدى.

جەڭىمپاز كوماندالار ارنايى سىيلىقتارمەن ماراپاتتالدى. ايتا كەتەيىك، مۇنداي بالىقشىلار اراسىنداعى ءداستۇرلى جارىس بىرنەشە جىلدان بەرى شاردارا تەڭىزىنىڭ جاعاسىندا ۇيىمداستىرىلىپ كەلەدى.

ءبارىن ايت تا، ءبىرىن ايت، دەمالىستىڭ تورەسى – تۇنىقتان بالىق اۋلاۋ دەپ سانايتىن ازاماتتار بالىقشىلار جارىسىنان كەرەمەت اسەر الىپ قايتىستى.

دەرەككوزى: وقو اكىمىنىڭ ءباسپاسوز قىزمەتى

Abai.kz