حاركوۆ قالاسىنىڭ كيەۆ اۋداندىق سوتى حاركوۆ پروكۋراتۋراسىنىڭ وتىنىشىمەن تاجىكستاننىڭ 39 جاستاعى ازاماتىن ۇستادى. ول "يسلام مەملەكەتى" ۇيىمىنا قاتىسى بار دەگەن كۇدىكپەن ينتەرپولدىڭ ىزدەۋىندە بولعان. حاركوۆ وبلىستىق پروكۋراتۋراسى ءباسپاسوز قىزمەتىنىڭ حابارلاۋىنشا، سوت كۇدىكتىنى ۋاقىتشا 40 كۇنگە قاماۋ تۋرالى ۇكىم شىعاردى.

وبلىستىق پروكۋراتۋرانىڭ حالىقارالىق ارىپتەستىك ءبولىمىنىڭ باسشىسى ماكسيم بەلوۋەنكونىڭ ايتۋىنشا، وسى مەرزىم تاجىكستاننىڭ قۇزىرلى ورگاندارىنان ونى قايتارۋ تۋرالى ۇسىنىس تۇسكەنگە دەيىن جەتكىلىكتى بولادى.

تەرگەۋ مالىمەتى بويىنشا، 2013 جىلى قاراشادا تاجىك ازاماتى رەسەيگە جۇمىس ىستەۋگە بارادى. 2016 جىلى قاڭتاردا رەسەيدەن تۇركيا ارقىلى سيرياعا جەتەدى، سول جەردە ول يم-گە قوسىلادى. ول بيىل ۋكراينادا ۇستالدى.

حابارلارعا قاراعاندا، تاجىكستاندا 39 جاستاعى ەر كىسىگە "جالدانۋ" فاكتىسى بويىنشا كۇدىك كەلتىرىلگەن.