ۇكىمەتتىڭ شۋ وبلىسىنداعى قۇزىرلى وكىلى باقتىبەك قۇدايبەرگەنوۆ "التىنكەن" كومپانياسىنىڭ التىندى ءوز فابريكاسىندا يگەرمەي وتىرعانىن تۇسىنبەي، قۇقىققورعاۋ ورگاندارىنا شاعىم وتكىزدى. مەملەكەتتىك ورگاندار التىن كەنىن سىرتقا شىعارۋعا رۇقسات بەرۋ ءىسىن ەندى ءبىر بىرىنە سىلتەي باستادى.

تالدىبۇلاق كەنىندە 77 توننا التىن بار. كاسىپورىن 2006 جىلى قۇرىلعان. قىتايلىق "تسزىتسزين" كومپانياسى "سۋبەرب پاسيفيك ليميتەد" ارقىلى 2011 جىلى "التىنكەننىڭ" 60 پايىز ۇلەسىن ساتىپ الدى، قالعان 40 پايىزى مەملەكەتتىك "قىرعىزالتىن" كومپانياسىنا تيەسىلى.

قىتايلىق تاراپ التىن وندىرەتىن فابريكانى ىسكە قوسۋ ءۇشىن، جوباعا 188 ميلليون يۋان ينۆەستيتسيا قۇيۋعا ۋادە بەرگەن. دەگەنمەن كومپانيا وندا كونتسەنتراتتى شيكى وڭدەپ، سونىڭ 1170 تونناسىن قىتايعا شىعارعان.

"التىنكەن" باس ديرەكتورىنىڭ ورىنباسارى ۆەن يافەن مۇندا تازا التىندى ءبولىپ شىعارۋعا مۇمكىندىك جوق دەپ اقتالعان. بۇعان دەيىن "التىنكەن" كومپانياسى رەسمي تۇردە 600 كەلى التىن وندىرگەن. كاسىپورىن جىل اياعىنا دەيىن تاعى 200 كەلى وندىرەدى دەپ جوسپارلانعان.