پاۆلودار وبلىسى احمەتوۆتاردىڭ مەنشىگى مە؟..
اقپارات سالاسى ءۇشىن كۇز جاڭا ماۋسىم ەسەپتەلەدى. تەلەارنالار كورەرمەندەرگە قانداي تىڭ، جاڭا جوبالار ۇسىناتىنى ءازىر بەلگىسىز. ازىرگە مەملەكەتتىك ارنالاردىڭ باسشىلىق قۇرامى دا اۋىس-تۇيىستەن ادا. ال، ەلدەگى ورىس ۆەب-سايتتارىنىڭ وتكەن اپتاداعى جاريالانىمدارىنىڭ ىشىنەن ءبىزدىڭ نازارىمىزدى اۋدارعان ماقالالار لەگى تومەندەگىدەي.
فوتو: forbes.kz
RATEL.KZ: «دانيال ي تالگات احمەتوۆى: وتتسۋ - ۆلاست، سىنۋ – بيزنەس» «دانيال جانە تالعات احمەتوۆتار: اكەسىنە بيلىك، بالاسىنا بيزنەس». ماقالا شىعىس قازاقستان وبلىسىنىڭ اكىمى دانيال احمەتوۆتىڭ وتباسى تۋرالى جازىلعان. اۆتور احمەتوۆتىڭ اتا-اناسى، اعا-اپكەلەرى، وسكەن جەرى، ورتاسى، اتقارعان قىزمەتتەرى جايلى جازا كەلىپ، دانيال كەنجەتايۇلى لاۋازىمدى مەملەكەتتىك قىزمەتتەر اتقارىپ تۇرعاندا ونىڭ تۋىستارى مەن بالالار قانداي بيزنەس جاساعانىن ايتادى. ماسەلەن، 1993 جىلعا دەيىن دارىگەر بولىپ جۇمىس ىستەگەن دانيال احمەتوۆتىڭ قارىنداسى گۋلفاز اۋبانوۆا «دانەل» جەكەمەنشىك مەديتسينالىق مەكەمەسىن اشىپ العان. بۇل مەكەمە كەرەكۋدەگى ەڭ قىمبات مەديتسينالىق مەكەمە سانالادى. «احمەتوۆ پرەمەر مينيستر بولىپ تۇرعاندا قارىنداسى گۋلفاز اۋبانوۆا مەملەكەتتىك قىزمەتتە تەز ءوستى. كلينيكاسىن سەنىمدى ادامنىڭ باسقارۋىنا بەرگەن ول 2005 جىلى پاۆلودار وبلىسى دەنساۋلىق ساقتاۋ باسقارماسىنىڭ باسشىسى بولىپ تاعايىندالدى. 2009 جىلى احمەتوۆتىڭ قىزمەتى قورعانىس مينيسترىنە دەيىن تومەندەگەنى ونىڭ ۇلى تالعات احمەتوۆتىڭ بيزنەسىنە ەشقانداي كەرى اسەرىن تيگىزگەن جوق. كەرىسىنشە، ونىڭ پاۆلودارداعى كوپتەگەن بيزنەستەرى ودان ءارى كوركەيدى. قورعانىس ءمينيسترىنىڭ بالاسىنا «گلوريافارم» ءدارىحانالار جۇيەسى، «امانات»، دۇكەندەر جەلىسى، «يرتىش» قوناق ءۇي كومپلەكسى جانە جشس شاش-ەتەكتەن پايدا اكەلىپ جاتتى». تالعات احمەتوۆتىڭ بيزنەسى بۇل ايتىلعاندارمەن عانا شەكتەلمەيدى ەكەن. «بۇدان وزگە تالعات احمەتوۆتىڭ Eco Energy, «امانات»، «ەرتiس سەرۆيس ترەيد»، "اق سۇڭقار نت" «الگا» جشس جانە «ترەيدكوم» جشس وزگەدە كومپانيالارى بار. كورىپ وتىرعاندارىڭىزداي، دانيال احمەتوۆتىڭ بالاسىنىڭ قىزىعاتىن سالالارى ءارتۇرلى. سوندىقتان قازىر پاۆلودار وبلىسىن «احمەتوۆتاردىكى» دەگەندە ۇلكەن احمەتوۆتىڭ قىزمەتتەگى جىلدارىن عانا ەمەس، كىشى احمەتوۆتىڭ يەلەگىنىڭ كولەمى دە نازارعا الىنادى»
NEWTIMES.KZ: "ۆ كازاحستانە وفيتسيالنو ترۋدياتسيا بولەە 11 تىس كيتايتسەۆ» «رەسمي تۇردە قازاقستاندا 11 مىڭداي قىتاي ەڭبەك ەتىپ ءجۇر». بيىلعى جارتى جىلدىقتىڭ ەسەبىنە سايكەس قازاقستاندا 11 مىڭداي قىتاي ەڭبەك ەتىپ جۇرگەنىن دەنساۋلىق ساقتاۋ مينيسترلىگىنىڭ مالىمەتىنە سۇيەنە وتىرىپ تاراتقان سايت «مەكەمەنىڭ مالىمەتىنشە، ەڭبەك ميگرانتتارى ەڭ كوپ كەلەتىن ەلدەر قىتاي 11 713 ادام، تۇركيا 3 302, وزبەكيىستان 3 012, انگليا 1 490, ءۇندىستان 1 274 ادام».
فوتو: tengrinews.kz
MATRITCA.KZ: «6,35 ترلن تەنگە ناكوپيلي كازاحستانتسى نا سچەتاح ەنپف» «قازاقستاندىقتار بزجق داعى قورلارىنا 6,35 ترلن تەڭگە جيناعان». ۇكىمەت حالىقتىڭ زەينەتاقى قورىنداعى قاراجاتتان اقشا الىپ، ەكونوميكاعا سالعانى ءمالىم. ساراپشىلار ۇكىمەت حالىقتىڭ قاراجاتىن سۇراۋسىز الدى ءارى ەكونوميكانىڭ قاجەتتى سالاسىنا دا سالعان جوق دەگەندى ايتىپ كەلەدى. «وسى جىلدىڭ 1 تامىزىنداعى دەرەك بويىنشا زەينەتاقى قورىنداعى قاراجات 6,35 ترلن. تەڭگە. 405 713 ادام مىندەتتى زەينەتاقى اۋدارىمدارىن جاساۋشىلار بولسا، - 39 075 ادام ءوز ەركىمەن زەينەتاقى اۋدارىمدارىن جاساپ كەلەدى» دەپ جازادى سايت.
RADIOTOCHKA.KZ: «سالافيتسكي رازلوم-2» «سالافيتتىك ءبولىنىس 2». جۋرناليست ءنازيرا دارىمبەتتىڭ زەرتتەۋ ماقالاسىندا الماتىدان 30 شاقىرىم جەردە ورنالاسقان ايتەي اۋىلىنداعى سالافيزم تەرىس ءدىني اعىمىن ۇستانۋشىلار تۋرالى جازعان. جۋرناليست قاراپايىم اۋىل ادامدارىمەن جولىعىپ سويلەسكەن. «بىردە جاس ءارى جۇكتى ايەل كەلىپ، ورازا ۇستاپ جۇرگەنىن ايتتى. مەن وعان جۇكتىلىك كەزىندە مۇنىڭ زيان ەكەنىن ءارى شاريعاتتا جۇكتى ايەلگە ورازا تۇتۋ پارىز ەتىلمەگەنىن ايتتىم. ول مەنى ءتىپتى تىڭداعىسى كەلمەدى. ءوزىن جاقسى سەزىنەتىنىن ايتىپ، بۇل ونىڭ جەكە ءىسى ەكەنىن، سەندەر يسلام تۋرالى ەشتەڭە بىلمەيسىڭدەر دەدى». بۇل اۋىلداعى مەديتسينالىق بولىمشە قىزمەتكەرىنىڭ ءسوزى. جۋرناليست كەزدەسكە اۋىل تۇرعىندارى، اكىمشىلىك قىزمەتكەرلەردىڭ بارلىعى دا سالافيزم اعىمىن ۇستانادى دەلىنەتىن ادامداردىڭ وقشاۋلانىپ جۇرەتىنىن، ەش جەردە جۇمىس ىستەمەسە دە تۇرمىستارى جاقسى ەكەنىن ايتقان. جۋرناليست كوشەدەن جولشىباي كەزدەستىرىپ قالعان قارا جامىلعان ايەلدىڭ اڭگىمەسى مىناۋ: «ارۋاققا تابىنۋدى ءبىز شيرك دەپ سانايمىز. ولگەن ادامعا نە ءۇشىن قۇران وقۋ كەرەك؟ قۇران ولىلەرگە ەمەس، تىرىلەرگە كەرەك. مەنىڭ اكەم قايتىس بولعان. ول جەردە ءشىرىپ جاتىر. وعان قۇران وقۋىمىز كەرەك پە؟ اناما قانشاما ايتسام دا، تىڭداعىسى كەلمەيدى. بىزگە ناماز وقىمايتىندارمەن ارالاسۋعا بولمايدى. سوندىقتان، شەشەممەن ارالاسۋدى توقتاتتىم». ءبىر عانا اۋىلداعى ءدىني احۋالدى جازا كەلىپ، جۋرناليست: «مۇنى كەزدەسيسوقتىق دەۋگە بولماس. ايتەي اۋىلىندا ناعىز «سالافيتتىك» انكلاۆ بار. مۇنداي ايتەي اۋىلىندا ناعىز «سالافيتتىك» انكلاۆتار قازاقستاننىڭ بۇكىل اۋىلدارىندا بار» دەگەن ويىن ايتادى.
شولۋ جاساعان نۇرا ماتاي
abai.kz
