"ۇستالعان توپ مۇشەلەرىنەن قولدان قۇراستىرىلاتىن جارىلعىشتارعا قاجەتتى زاتتار جانە ءدىني ەكسترەميستىك ماتەريالدار تابىلدى، ولار وزدەرى تۇراتىن جەردە عانا ەمەس، ارناي جاساقتالعان قۇپيا ورىنداردا دا ساقتالعان", – دەلىنگەن 22 تامىزدا تاراتىلعان حابارلامادا.

"ۇقك، پوليتسيا مەن اسكەري بولىمشەلەرگە قارۋلى شابۋىل ۇيىمداستىرماق بولعان راديكالشىل توپتىڭ جوسپارى جۇزەگە اسپاي قالدى. ودان سوڭ ولار حالىق تىعىز ورنالاسقان ورىنداردا تەررورلىق شابۋىلدار جاساۋدى كوزدەگەن", - دەلىنگەن حابارلامادا.

5 ماۋسىمدا قازاقستاندىق اقتوبە قالاسىنداعى قارۋ-جاراق دۇكەندەرى مەن اسكەري بولىمگە شابۋىل جاسالدى. ءىىم مالىمەتى بويىنشا، شابۋىلدى 27 ادام جاساعان. شامامەن 20 ادام وپات بولدى، ولاردىڭ 13-ءى - شابۋىلداۋشى. 38 ادام جارالاندى، ولاردىڭ دەنى - اسكەر قىزمەتكەرلەرى. بيلىك بۇل شابۋىلدى تەراكت دەپ اتادى.

اقتوبەدەگى شابۋىلدان سوڭ قازاقستاندا تەررورلىق قاۋىپتىلىكتىڭ "سارى" دەڭگەيى ەنگىزىلدى.