اۋدان اكىمى ءا.تۇرعىمبەكوۆ ءاربىر اۋىلدىڭ تازالىعىن ساقتاۋ، كوشە بويىنداعى رەتسىز قۇرىلىس نىساندارى رەتتەۋ، ۇيلەردى سىرتقى كەلبەتىن ءبىر تۇسكە سايكەستەندىرىپ، اۋىل كەلبەتىن رەتكە كەلتىرۋ اۋىلدىق وكرۋگ، پوسەلكە اكىمدەرىنىڭ باستى  مىندەتتەرىنىڭ ءبىرى دەدى.

سوندىقتان كۇرە جول بويىندا ورىن تەپكەن، تابيعاتى سۇلۋ اۋداننىڭ تازالىعىن ساقتاۋ ءۇشىن اۋىل تۇرعىندارمەن ءتۇسىندىرۋ جۇمىستارىن جۇرگىزۋ قاجەت دەدى.    

ويتكەنى اۋدان ارقىلى قانشاما ەل جانە شەتەل ازاماتتارى جول جۇرەدى. سوندىقتان اۋداننىڭ كوركىن ساقتاپ، ەل تامساناتىن، تاڭقالاتىن وڭىرگە اينالۋىمىز قاجەت دەدى.

وسىعان وراي اۋداندا بۇگىندە بارلىق ەلدى-مەكەندەردە تازالىق جۇمىستارى جۇرۋدە.

كلۋب – اۋىل مادەنيەتىنىڭ وشاعى

حالىقتىڭ رۋحاني ازىعى مادەنيەت ەكەنى ايان.  بۇگىندە اۋداندا اۋداندىق مادەنيەت جانە تىلدەردى دامىتۋ جونىندەگى بولىمىنە قاراستى 1 اۋداندىق مادەنيەت ءۇيى، 9 اۋىلدىق مادەنيەت ءۇيى، 18 اۋىلدىق كلۋبى بارلىعى 28 مادەني وشاقتارى اۋدان حالقىنا قىزمەت كورسەتەدى.

سوڭعى 5 جىلدا اۋداندا 1 مادەنيەت ءۇيى سالىنىپ، 5 كلۋبتار جوندەۋدەن وتسە، بيىلعى جىلى 2 اۋىلدىڭ كلۋبىنا كۇردەلى جوندەۋ جۇمىستارى جۇرگىزىلۋدە.

اتالعان مادەنيەت مەكەمەلەرى جىل باسىنان بەرى بارلىعى حالىق اراسىندا 1245 مادەني ءىس-شارا وتكىزدى. 

Abai.kz