بۇگىن اۋدان اكىمى ەرلان ايتاحانوۆ «قازاق ءۆالسىنىڭ كورولى» ءشامشى قالداياقوۆ اتىنداعى «مەنىڭ قازاقستانىم» ءان بايقاۋىنىڭ جەڭىمپازى، وتىرارلىق رۋسلان اقىنبەكوۆتى قابىلدادى. 

حالقىمىز «جىگىتكە جەتى ونەر دە از» دەيدى. ءبىزدىڭ رۋسلان قازاقستاننىڭ حالىق اقىنى اسەلحان قالىبەكوۆانىڭ تاربيەسىن كورگەن ايتىسكەر اقىن جانە تەرمەشىلىگىمەن قوسا، ءداستۇرلى اندەردى ورىنداۋدىڭ حاس شەبەرى. تالانتىن ۇشتاپ، ونەردەگى ءوز ورنىن تابۋ ءۇشىن رۋسلان 2006 جىلى وبلىس ورتالىعىنا اتتانىپ ەدى.

وڭتۇستىك قازاقستان ساز كوللەدجىن بىتىرگەن رۋسلان سودان كەيىنگى وقۋىن الماتىداعى قۇرمانعازى اتىنداعى قازاق ۇلتتىق كونسەرۆاتورياسىندا جالعاستىرعان بولاتىن. ەكى وقۋ ورنىن ويداعىداي تامامداعان جاس تالانتتىڭ وسىنداي ۇلكەن دودادا توپ جارۋى زاڭدىلىق ىسپەتتى.

قابىلداۋ بارىسىندا اۋدان اكىمى بولاشاق ەسترادا جۇلدىزىنا ونەر جولىنا ساتتىلىك تىلەپ، سىي-سياپاتتار تابىستادى.

ايتا كەتەيىك، 2016 جىل. 15 تامىز كۇنى ساعات 10:00-دە وتىرار اۋدانى مادەنيەت سارايىندا سازگەر ش.قالداياقوۆتىڭ تۋعان كۇنىنە ورايلاستىرىلعان كوركەم سۋرەت كورمەسى ءوتتى. كورمەنىڭ ءبىر ەرەكشەلىگى وبلىستىق ولكە تانۋ مۋزەيىمەن بىرلەسە وتىرىپ ۇيلەستىرگەندەرى ۇتىمدى بولدى.

كوركەم سۋرەت كورمەسىندە سازگەر ءشامشى قالداياقوۆتىڭ اندەرىنىڭ نەگىزىنە سۇيەنگەن  20 كارتينا تۋىندىلارى قويىلدى. مۇنى اۋدان اكىمىنىڭ تاپسىرىسىمەن ءار اۋماقتان كەلگەن سۋرەتشىلەر سالعان بولاتىن.  ولار ونەرلەرىن مادەنيەت سارايىنداعى ۇيىرمە شەبەرحاناسىندا ۇشتاۋشىلار شىمكەنتتىك تابىلحان رەنا، قازىعۇرتتىق ەدىگە باقىتجامال، ورداباسىلىق تولەگەن باقىتگۇل، وتىرارلىق ورازباي ناۋرىزبايلار. ولارعا جەتەكشىلىك جاساپ، ءجىتى قاداعالاعان سۋرەتشى ءادىلحان مالىك جۇمىستاردى جاساۋعا  1 اي ۋاقىت كەتكەنىن ايتادى. ءشامشىنىڭ اندەرى تىڭدارمانىن قانشالىقتى باۋراپ السا، اندەرگە باعىشتالىپ سالىنعان سۋرەتتەر دە كورەرمەندەرىن سونشالىقتى باۋراپ الدى. اۋقىمدى كوركەم-سۋرەت كورمەسىنە قويىلعان 20 كارتينا  ءان بايقاۋىنا كەلگەن كونكۋرسانتتارعا ء«شامشى» اۋىلىنداعى گالا كونتسەرت الدىندا تابىس ەتىلدى. كوركەم سۋرەت كورمەسىندە سونىمەن قاتار ەجەلگى وتىرار تاريحىن قامتىعان جاڭا تۋىندى كارتينالار دا حالىق نازارىنا ۇسىنىلدى. بۇرىن ەجەلگى وتىراردى بەينەلەۋشىلەر تەك سىرتقى كورىنىسىن سۋرەتتەسە، بۇل جاڭا تۋىندىلاردا سۋرەتشىلەر قالانىڭ ىشكى تىرشىلىگىن بەينەلەۋ بارىسىندا قيال مەن ويلارىن بارىنشا جۇمساعان.

Abai.kz