مەملەكەت پايداسىنا سومالاردى ءوندىرۋ بويىنشا كۇشتەر بىرىكتىرىلدى. بۇل تۋرالى «Abai.kz» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وڭتۇستىك قازاقستان وبلىسىنىڭ ادىلەت دەپارتامەنتىمەن مەملەكەت پايداسىنا ءوندىرىپ الۋ تۋرالى سوت جانە وزگە دە ۋاكىلەتتى ورگانداردىڭ اكتىلەرىن ورىنداۋ جۇيەسىن جەتىلدىرۋ ماقساتىندا، ىشكى ىستەر دەپارتامەنتى، مەملەكەتتىك كىرىستەر دەپارتامەنتى جانە جەكە سوت ورىنداۋشىلارىنىڭ وڭىرلىك پالاتاسى اراسىندا ءۇش جاقتى مەموراندۋمداردىڭ جاسالۋى مەن ولارعا قول قويۋ ۇيىمداستىرىلعان.

قۇجاتتار اياسىندا اقپاراتپەن الماسۋ، بىرلەسكەن رەيدتىك شارالار ۇيىمداستىرۋ، مەملەكەت پايداسىنا اكىمشىلىك ايىپپۇلدار جانە باسقا دا تولەمدەر بويىنشا بورىشكەرلەردى انىقتاۋ، ول ءۇشىن ارنايى تەحنيكالىق قۇرالداردى پايدالانۋ، بورىشكەرلەردىڭ اۆتوكولىكتەرىنە تىيىم سالۋ جانە ولاردى ايىپ تۇراعىنا ورنالاستىرۋ، بورىشكەرلەرگە بەرىلگەن جۇرگىزۋشى كۋالىكتەرىنىڭ قولدانىسىن توقتاتا تۇرۋ بويىنشا ءوزارا ءىس-قيمىل جاساۋ ماسەلەلەرى رەتتەلدى.

ايتا كەتەيىك، 2016 جىلدىڭ باسىنان وبلىستىڭ سوت ورىنداۋشىلارىمەن 51 676 اتقارۋشىلىق قۇجاتتار بويىنشا مەملەكەت پايداسىنا جالپى 814,241 ملن. تەڭگە  وندىرىلگەن.

مەموراندۋمداردا كوزدەلگەن شارتتاردى ىسكە اسىرۋ ناتيجەسىندە وسى باعىتتاعى جۇمىستىڭ تيىمدىلىگىنىڭ ارتىلۋى كۇتىلۋدە.

Abai.kz