نازارباەۆ سوچيدە رەسەي پرەزيدەنتى ۆلاديمير پۋتينمەن كەزدەسىپ، جاقىندا ۋكراينا پرەزيدەنتىمەن تەلەفون ارقىلى سويلەسكەنىن ايتتى. نازارباەۆتىڭ مالىمدەۋىنشە، پوروشەنكو ۋكراينانىڭ قازىر رەسەيشىل سەپاراتيستەردىڭ باقىلاۋىنداعى شىعىس اۋداندارىنىڭ مارتەبەسى تۋرالى زاڭ قابىلداۋعا جەرگىلىكتى پارلامەنت كەدەرگى كەلتىرىپ وتىر.

پۋتين رەسەي مەن تۇركيا قارىم-قاتىناسىنىڭ جاقسارۋىنا اراعايىندىق كومەك كورسەتكەن نازارباەۆقا العىس ءبىلدىردى. بۇعان قوسا، پۋتين قازاقستان مەن رەسەي اراسىندا سوڭعى جىلدارى كۇرت تومەندەپ كەتكەن ساۋدا اينالىمى قايتا جانداناتىنىنا ءۇمىت ءبىلدىردى.

نازارباەۆ جىل سوڭىنا دەيىن پۋتينمەن كەم دەگەندە تاعى بەس مارتە كەزدەسەتىنىن جۋرناليستەرگە مالىمدەدى. 2012 جىلدان بەرى نازارباەۆ رەسەيگە 12 مارتە ساپار جاسادى.