رۋحاني جەبەۋشى ىزدەگەن تەرگەۋ كوميتەتىنىڭ توراعاسى الەكسانر باسترىكين ورىس پراۆوسلاۆ شىركەۋىنىڭ باسشىسىنا ءوتىنىش تۇسىرگەن. مەكەمەنىڭ رەسمي وكىلى ۆلاديمير ماركيننىڭ ايتۋىنشا، مۇنداي قادام تەرگەۋشىلەر اراسىندا "ادامگەرشىلىك جانە رۋحاني قاسيەتتەردى" نىعايتۋ ءۇشىن جاسالىپ وتىر.

ءدىني جەبەۋشى قاجەتتىگىن ماركين قاسيەتتى كىتاپتارمەن ءتۇسىندىردى. مىسالى، ميحايل پەرىشتە جازبا كىباتىندا "ادامدار اراسىنداعى ءتۇرلى زاڭسىزدىقتارمەن كۇرەسكەر رەتىندە سيپاتتالادى، ال وتكروۆەنيە كىتابىندا ول ءازازىل مەن قارا كۇشتەرگە قارسى سوعىستا نۇر جاۋىنگەرى رەتىندە باياندالادى".

تەرگەۋ كوميتەتىنىڭ وكىلى ميحايل پەرىشتە تۋرالى قۇراندا دا جازىلعانىن اتاپ ءوتتى. سول سەبەپتى ميحايل پەرىشتە سولتۇستىك كاۆكازداعى تەرگەۋ ورگاندارىنىڭ قىزمەتكەرلەرىنە دە جەبەۋشى بولا الادى.