حالىقارالىق اۋەسقوي بوكس اسسوتسياتسياسىنىڭ پرەزيدەنتىنە

پەتيتسيا 

قازاقستان رەسپۋبليكاسى  سپورتقا، سونىڭ ىشىندە ادىلدىك، ىنتىماقتاستىق پەن تۋرالىق نەگىزدەگى تۇلعا قالىپتاستىرۋدىڭ قۇرالى رەتىندە  بوكستىڭ دامۋىنا باسىم نازار اۋداراتىن مەملەكەتتەردىڭ ءبىرى.

ءبىزدىڭ قاۋىم ء"ادىل باسەكەلەستىك", "رۋح سايىسى" مەن "تۋرا شەشىم" سەكىلدى وليمپيادالىق قاعيدالاردى بۇلجىتپاي بولىسەدى. كەشە الەمدىك قاۋىمداستىقتىڭ كوزىنشە وليمپيادالىق قۇندىلىقتار مەن ءادىل شەشىمگە دەگەن ۇعىمدارعا كۇمانمەن قاراۋعا ماجبۇرلەيتىن وقيعا ورىن الدى. بۇل 91 كەلى سالماقتا كۇش سىناسقان قازاقستاندىق بوكسشى ۆ.لەۆيت پەن رەسەيلىك ە.تيششەنكو اراسىنداعى جەكپە-جەككە قاتىستى ءسوز.

وليمپيادالىق ۇستانىمدار مەن شىنايى جەكپە-جەكتىڭ بارلىق پارامەترلەرى بويىنشا قازاقستاندىق ۆ.لەۆيت جەڭىسكە جەتتى.

اقىل-سانا مەن سپورتتاعى اسىل قۇندىلىقتارعا زورلىق-زومبىلىق جاساي وتىرىپ، سۋديالىق كورپۋس جەڭىستى رەسەيلىك ە. تيششەنكوعا بەردى.

ءبىزدىڭ ويىمىزشا:

- بۇل ادىلەتسىزدىك وليمپيادانىڭ ءادىل سايىس ۇستانىمدارىنا دەگەن سەنىمدى ازايتادى;

 - بوكستا، سپورت ءتۇرى رەتىندە، كۇرەستىڭ وزگە تۇرلەرى مەن جەڭىستى شەشۋدىڭ باسقا جولدارى بار  دەگەن سەكەم ويعا اكەلەدى.

سوندىقتان، ء"ادىل باسەكەلەستىك", "رۋح سايىسى" مەن "تۋرا شەشىم" سەكىلدى وليمپيادانىڭ جەرگە تاپتالعان ۇستانىمدارىن قالپىنا كەلتىرۋدى تالاپ ەتەمىز.

 ول ءۇشىن تومەندە كەلىتىرلگەن ءىس-شارالاردى اتقارۋ قاجەت:

 - سۋديالىق كورپۋستىڭ سپورتقا ءتان ەمەس ءىس-ارەكەتتەرىنە قىزمەتتىك تەكسەرىس ۇيىمداستىرۋ;

- رينگتەگى تورەشىنىڭ رەسەيلىك بوكسشىعا ۇنەمى دەمالۋعا ۋاقىت بەرىپ، سول ارقىلى ونى نەلىكتەن باعىپ-قاققانىنا جاۋاپ بەرىلۋى ءتيىس;

 - بارلىق ۇستانىمدارعا قارسى تورەشىلەر نەلىكتەن  جەكپە-جەك قورىتىندىسىن اشىق بۇرمالاعانىنا جاۋاپ ايتىلۋى قاجەت.

 ەڭ سوڭىندا، جەكپە-جەك قورىتىندىسىن قايتا قاراپ، ءادىل جەڭىمپازدى قايتا ماراپاتتاۋلارىڭىزدى سۇرايمىز.

ە. سايروۆ، الەمدىك جانكۇيەرلەر ليگاسىنىڭ مۇشەسى

Abai.kz