جۇكتىلىگىنە جانە بوسانۋىنا بايلانىستى تابىسىنان ايرىلۋ جاعدايىنا الەۋمەتتىك تولەمدەردى ەسەپتەۋگە قاجەتتى قۇجاتتار توپتاماسى قىسقارتىلدى. بۇل دەنساۋلىق ساقتاۋ جانە الەۋمەتتىك دامۋ مينيسترلىگى مەن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بىرلەسكەن جۇمىسىنىڭ ارقاسىندا مۇمكىن بولىپ وتىر. ەندى، ءوتىنىش بەرگەن كەزدە ايەلدەرگە سوڭعى 12 ايعا جۇمىس ورىنان تابىستارى تۋرالى انىقتاما ۇسىنۋ قاجەت ەمەس. جەكە كۋالىگىن، ەڭبەككە جارامسىزدىق پاراعى مەن بانكتىك شوتىن ۇسىنۋ جەتكىلىكتى. جەكە كاسىپكەر كۋالىگى بار ايەلدەرگە سونداي-اق جك تىركەۋ تۋرالى كۋالىك پەن سالىقتارى بويىنشا سالىستىرىپ تەكسەرۋ اكتى قاجەت بولادى.

«بۇرىن مەملەكەتتىك كورپوراتسيانىڭ جۇمىسكەرلەرى اۆتوماتتاندىرىلعان اقپاراتتىق جۇيەگە ناقتى اۋدارىلعان الەۋمەتتىك اۋدارىمداردى جۇمىس ورنىنان بەرىلگەن انىقتامادا كورسەتىلگەن سومالارمەن سالىستىرىپ تەكسەرۋ جۇرگىزەتىن جانە سايكەس بولماعان جاعدايدا ءوتىنىش بەرۋشىگە ناقتىلاۋ ءۇشىن قۇجاتتار قايتارىلاتىن»، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى زتمو ديرەكتسياسى ديرەكتورىنىڭ ورىنباسارى سەرىكقان سابىرجانوۆ. «قازىر، مەملەكەتتىك الەۋمەتتىك ساقتاندىرۋ قورىنان بەرىلەتىن الەۋمەتتىك تولەمدەر مولشەرلەرىن تاعايىنداۋ قاعيداسىنا ەنگىزىلگەن وزگەرىستەردىڭ ارقاسىندا جۇكتىلىگىنە جانە بوسانۋىنا بايلانىستى تولەمدەردى تاعايىنداۋ اۆتوماتتاندىرىلعان اقپاراتتىق جۇيەدە قامتىلعان ناقتى اۋدارىلعان اۋدارىمدار بويىنشا جۇزەگە اسىرىلاتىن بولادى. جۇكتىلىگىنە جانە بوسانۋىنا بايلانىستى تولەمدەردىڭ مولشەرى ەسەپتەلگەن جانە اۋدارىلعان الەۋمەتتىك اۋدارىمداردىڭ دۇرىستىعىنا جاۋاپكەرشىلىك كوتەرەتىن جۇمىس بەرۋشىگە تىكەلەي بايلانىستى ەكەندىگىن ەستە ساقتاۋ قاجەت»، - دەپ ءتۇسىندىردى سابىرجانوۆ.

سونىمەن قاتار، جۇكتىلىگىنە جانە بوسانۋىنا بايلانىستى تابىسىنان ايرىلۋ جاعدايىنا الەۋمەتتىك تولەمدەردىڭ مولشەرى سوڭعى 12 ايعا ورتاشا ايلىق تابىسىن ەڭبەككە جارامسىزدىق كۇنىنىڭ سانىن وتىز كۇنتىزبەلىك كۇنگە ءبولۋ ارقىلى الۋعا بولاتىن ەڭبەككە جارامسىزدىق (ناۋقاستانعان) كۇنىنىڭ سانى كوەففيتسيەنتىنە كوبەيتۋمەن ايقىندالادى.

مىسالى، ايەل ورتاشا ايلىق تابىسى 95 000 تەڭگەمەن 12 اي ۇيىمدا جۇمىس ىستەدى. ەڭبەككە جارامسىزدىق پاراعى 126 كۇن بولسا، ەڭبەككە جارامسىزدىق كۇنى سانىنىڭ كوەففيتسيەنتى 4,2 تەڭ. دەمەك، جۇكتىلىگىنە جانە بوسانۋىنا بايلانىستى بىرجولعى تولەم زەينەتاقى اۋدارىمدارىن شەگەرۋسىز 399 000 تەڭگەنى قۇرايدى.

زەينەتاقى مەن جاردەماقى ەسەپتەۋ جونىندەگى كەز كەلگەن ماسەلە بويىنشا كونسۋلتاتسيانى قازاقستاندىقتار 1411 تەگىن نومىرىنە قوڭىراۋ شالىپ الۋىنا بولادى جانە سۇراقتارىن قويا الادى.

بارلىعى مەملەكەتتىك كورپوراتسيا ارقىلى جىلدىڭ باسىنان بەرى 97,5 مىڭ جۇكتىلىگىنە جانە بوسانۋىنا بايلانىستى تابىسىنان ايرىلۋ جاعدايىنا الەۋمەتتىك تولەم تاعايىندالدى.

وڭتۇستىك قازاقستان وبلىسى

«ازاماتتارعا ارنالعان ۇكىمەت» 

مەملەكەتتىك كورپوراتسياسى» 

كوممەرتسيالىق ەمەس اكتسيونەرلىك 

قوعامىنىڭ ءباسپاسوز قىزمەتى

Abai.kz