ءشامشى اندەرى وتىرار اسپانىن انمەن كومكەردى

ۇلى ويشىل ءابۋ ناسىر ءال-ءفارابيدىڭ كىندىك قانى تامىپ، بابتاردىڭ بابى ارىستانباب بابامىزدىڭ رۋحى تىنشىپ جاتقان كيەلى مەكەننىڭ اسپانىندا ءشامشى اندەرى سامعادى. سازگەر مۇراسىن بولاشاق ۇرپاققا جەتكىزۋ، اسەم اندەرىن ناسيحاتتاۋ ماقساتىندا وتكىزىلىپ كەلە جاتقان ءداستۇرلى «مەنىڭ قازاقستانىم» گالا كونتسەرتى كەشە ش.قالداياقوۆ اۋىلىندا بولىپ ءوتتى. كەشكە ارنايى قاتىسقان وبلىس اكىمى بەيبىت اتامقۇلوۆ بارشا وڭتۇستىك جۇرتشىلىعىن ونەر مەرەكەسىمەن قۇتتىقتاپ، ۇلى كومپوزيتور ءشəمشى قالداياقوۆتىڭ تۋعان كۇنىنە وراي تۋعان جەرىندە وتكەن «مەنىڭ قازاقستانىم» əن بايقاۋىنىڭ جەڭىمپازدارىن ماراپاتتادى.

قۇتتىقتاۋ سوزىندە ءوڭىر باسشىسى ءدəستۇرلى تۇردە ءوتىپ كەلە جاتقان فەستيۆال بيىل ءشəمشى قالداياقوۆتىڭ تۋعان جەرىندە تۇڭعىش رەت وتكىزىلىپ وتىرعاندىعىن اتاپ ءوتتى. سونداي-اق، بيىل بايقاۋعا ارقاۋ بولىپ، قازاق رۋحىن اسقاقتاتىپ جۇرگەن «مەنىڭ قازاقستانىم» انىنە 60 جىل تولعاندىعىن جەتكىزىپ، وسى بايقاۋدى الداعى ۋاقىتتا وبلىستىق دەڭگەيدە بارلىق اۋدانداردا، كەلەسى جىلى سوزاق اۋدانىندا وتكىزۋدى ۇسىندى.

قۇتتىقتاۋ سوزىنەن سوڭ ءوڭىر باسشىسى جۇزدەن جۇيرىك شىققان əن بايقاۋىنىڭ جەڭىمپازدارىن ماراپاتتادى. ءۇشىنشى ورىنعا تۇركىستان قالاسىنان كەلگەن «اسۋ» دۋەتى لايىقتى دەپ تانىلدى. وبلىس əكىمىنىڭ ارنايى جۇلدەسى ارىستىق جۇلدىز ادىلبەكوۆا بۇيىردى. جۇلدەلى ءىى ورىندى سوزاقتىق گۇلبانۋ شالاباەۆا يەلەنسە، بايقاۋعا شىمكەنت قالاسىنان سىنعا تۇسكەن تۇرعىنبەك بەكزات ءى ورىن تورىنەن كورىندى. ال، بايقاۋدىڭ باس جۇلدەسىنە كومپوزيتوردىڭ جەرلەسى، وتىرار اۋدانىنىڭ تۋماسى رۋسلان اقىنبەكوۆ يە بولدى. فەستيۆال تاريحىنداعى وتىرارلىقتاردىڭ تۇڭعىش جەڭىسى بارشا كورەرمەندى ءبىر سەرپىلتىپ تاستادى.

بارشا كونكۋرسانتتارعا وبلىس اكىمىنىڭ ارنايى سىيلىعى تابىستالىپ، ەل تاۋەلسىزدىگىنىڭ 25 جىلدىعىنا وراي وتكىزىلگەن مادەني شارا وڭتۇستىك ونەر جۇلدىزدارىنىڭ كونتسەرتتىك باعدارلاماسىمەن جالعاسىن تاپتى. باعدارلاما سوڭى كومپوزيتور قالدىبەك قۇرمانالىنىڭ ء«ان اعا نەمەسە شامشىمەن سىرلاسۋ» اتتى انىمەن تۇيىندەلدى.

Abai.kz