تاجىكستاندا انت قابىلداۋدى ءداستۇرلى اۋىز ادەبيەتىنە جاتقىزدى
تاجىكستاننىڭ مادەنيەت مينيسترلىگى 500 بەيماتەريالدىق مادەني مۇرا ءتىزىمىن دايىندادى، سولاردىڭ قاتارىندا انت قابىلداۋ ءداستۇرى دە بار.
قۇجات اۆتورلارىنىڭ پىكىرىنشە، حالىق ءوزىنىڭ ادالدىعىن نەمەسە جازىقسىز ەكەندىگىن ەجەلدەن-اق انت ارقىلى بىلدىرەتىن بولعان.
سوڭعى جىلدارى انت قابىلداۋ ءداستۇرى تاجىكستاننىڭ قاراپايىم تۇرعىندارى عانا ەمەس، يستەبليشمەنت اراسىندا دا كەڭىنەن تارالا باستادى. 2006 جىلى تاجىكستان قارۋلى كۇشتەرىنىڭ پرەزيدەنت اتىمەن انت ەتۋى زاڭداستىرىلدى. سول ۋاقىتتان بەرى رەسپۋبليكا ۇكىمەتىنىڭ بارلىق 17 مۇشەسى قىزمەتكە كىرىسكەندە انت قابىلداۋى ءتيىس. بۇعان قوسا تاجىك پارلامەنتىنىڭ دەپۋتاتتارى حالىققا ادال قىزمەت ەتۋگە انت بەرەدى.
تاجىكستان بەيماتەريالدىق مادەني مۇرالارى تىزىمىنە سالت-داستۇرلەر، قولونەر، بايلانىستىڭ ءداستۇرلى فورمالارى، ۇلتتىق تاعامدار ەندى.
مادەنيەت مينيسترلىگى بۇل ءتىزىم عىلىمي زەرتتەۋلەرگە، مادەنيەت تۇرلەرىن ناسيحاتتاۋعا، ۇلتتىق تۇتاستىقتى نىعايتۋعا قىزمەت ەتەدى دەپ ەسەپتەيدى.
اباي-اقپارات
