اۋدان اكىمى ماقسات يساەۆ، اقسۇمبە ەلدى مەكەنى تۇرعىندارىمەن جۇزدەستى. اۋىلدىق مادەنيەت ۇيىندە وتكەن كەزدەسۋدە اۋدان باسشىسى شالعايدا جاتقان ەلدى مەكەن حالقىنىڭ ۇسىنىس پىكىرلەرىن تىڭداۋ ەكەنىن ايتتى. كەزدەسۋ بارىسىندا اۋىل تۇرعىنى م. سمايلوۆ كەسەكپەن سوعىلعان سۇلتانبەك قوجانوۆ اتىنداعى ءبىلىم ورداسىنا جاڭا عيمارات سوعىلىپ بەرىلسە، اقبيكەش مۇناراسىندا كۇردەلى جوندەۋ جۇمىستارى جۇرگىزىلسە دەگەن ۇسىنىستارىن ءبىلدىردى. اۋدان اكىمى ماقسات يساەۆ بۇگىنگى تاڭدا اۋدانداعى 35 ءبىلىم بەرۋ وشاقتارىنىڭ 30-نىڭ تيپتىك ۇلگىدە ەكەنىن، الداعى جىلدارى جاڭا عيمارات سالۋعا جۇمىس جاسالاتانىن جەتكىزدى. اقبيكەش مۇناراسىن ساقتاپ قالۋ ءۇشىن تاريح ءۇشىن ماڭىزدى ەكەنىن ايتقان ايماق باسشىسى، ازىرگە ۋاقىتشا قالقان تۇرعىزىلاتىنىن، الداعى ۋاقىتتارى دەمەۋشىلەر ەسەبىنەن كۇردەلى جوندەۋدەن وتكىزۋگە كەلىسسوزدەر جۇرگىزىلىپ وتىر دەدى.

ايتا كەتۋىمىز كەرەك اقسۇمبە ەلدى مەكەنىندە 470 استام حالىق تۇرىپ، 82 وقۋشى مەكتەپتە ءبىلىم الادى. 

تۇرعىنداردىڭ تاعى ءبىر ايتقان ۇسىنىسى، «اقسۇمبە» توعانىنا كۇردەلى جوندەۋ جۇمىستارىنىڭ كەرەكتىگىن ەسكەرتتى. ەكونوميكالىق تۇرعىدان ءوزىن اقتايتىن جوبا بولسا، الداعى ۋاقىتا توعاندى كۇردەلى جوندەۋدەن وتكىزۋگە جۇمىس جاسايتىنىن ايتتى.

كەزدەسۋدەن كەيىن اۋدان اكىمى اۋىلدان شىققان كاسىپكەر ازامات ءوز ەركىن يبراگيموۆ قارجىسىنا سالىپ جاتقان 100 ورىندىق يماندىلىق ورداسى – مەشىت قۇرىلىسىمەن تانىستى. تۋعان جەر الدىنداعى ازاماتتىڭ بورىشىن ۇمىتپاي جۇرگەن ازاماتقا العىسىن ايتتى. سونداي-اق، «اقسۇمبە» توعانى قۇرىلىسەن تانىستى.

Abai.kz