قالا اكىمى س.ەرتاي قالامىزداعى ايالدامالاردى جاڭعىرتۋ باستاماسىن كوتەرگەن بولاتىن.

ناتيجەسىندە بۇگىنگى تاڭدا قالا ورتالىعىنداعى ساۋلەتى كەلىسكەن ايالدامالار جاڭادان بوي كوتەردى.

ايالدامالاردا تۇنگى مەزگىلدە جارىق بەرىپ تۇراتىن بۇل ورىنداردا كوپشىلىك ءۇشىن باستى وقيعالار بەينەلەنگەن كورنەكى ۇگىت قۇرالدارى ورناتىلعان.

ەل يگىلىگىنە بەرىلەتىن مۇنداي نىساندار الداعى ۋاقىتتا دا جالعاسىن تاباتىن بولادى.

جۇماداعى جاماعاتپەن جۇزدەسۋ

قالامىزداعى بارلىق مەشىتتەردە حالقىمىزدىڭ يسلام ءدىنىن قابىلداعان كەزدەن باستاپ ۇستانىپ كەلە جاتقان حانافي ءمازھابىنىڭ ءمان-ماڭىزىن ناسيحاتتايتىن ۋاعىزدار ايتىلىپ، قالا تۇرعىندارىنا، اسىرەسە جاستارعا ءتالىم-تاربيە بەرۋگە ەرەكشە كوڭىل بولىنۋدە.

وسى ماقساتتا بۇگىن قالالىق ىشكى ساياسات ءبولىمى جانە ورتالىق مەشىتتىڭ ۇيىمداستىرۋىمەن قالامىزداعى جۇرىنقوجا مەشىتىندە قازاقستانداعى ەڭ ۇزدىك يسلامي ۋاعىزشىلاردىڭ بىرى ابدىعاپپار سمانوۆ  جۇماعا جينالعان جاماعات الدىندا يسلام قۇندىلىقتارى جانە يسلام مادەنيەتى جايىندا ۋاعىز ايتتى.

سونىمەن قاتار، جيىندا جاستاردى جات اعىمداردان ساقتاندىرۋ، رۋحاني تۇراقتىلىقتى ساقتاۋ ماسەلەلەرى دە كەڭىنەن اڭگىمەلەندى.

جيىن ءسوڭىندا ا.سمانوۆ جاماعاتتىڭ تولعاندىرىپ جۇرگەن سۇراقتارىنا جاۋاپ بەرىپ، قاسيەتتى جۇما نامازى پارىزىن وقىپ، دۇعا جاسادى. 

Abai.kz