اتامباەۆ پۋتيننەن ميگرانتتاردىڭ "قارا ءتىزىمىن" قىسقارتۋىن سۇرادى
قىرعىزستان پرەزيدەنتى المازبەك اتامباەۆ رەسەيلىك ارىپتەسى ۆلاديمير پۋتينگە رف اۋماعىنا كىرۋگە تىيىم سالىنعان قىرعىز ازاماتتارىنىڭ "قارا ءتىزىمىن" قىسقارتۋعا كومەكتەسۋىن ءوتىنىپ حات جولدادى. بۇل تۋرالى كوشى-قون جونىندەگى مەملەكەتتىك قىزمەت باسشىسىنىڭ ورىنباسارى المازبەك اسانباەۆ حابارلادى.
حات اۆتورى كوتەرىلگەن ماسەلە دۇرىس شەشىلەدى دەپ ۇمىتتەنەدى.
مەملەكەتتىك كوشى-قون قىزمەتىنىڭ مالىمەتى بويىنشا، 2015 جىلى رەسەيلىك "قارا تىزىمنەن" 100 مىڭ قىرعىز شىعارىلدى. قازىر شامامەن 60 مىڭ ادام وسى تىزىمدە تۇر.
قىرعىزستان 2016 جىلى 12 تامىزدا ەۋرازيا ەكونوميكالىق وداعىنىڭ تولىق قۇقىقتى مۇشەلىگىنە ءوتتى. رەسەي تالاپتارىنىڭ جەڭىلدەۋىن قالاعان كوپتەگەن ەڭبەك ميگرانتى بۇل كۇندى ۇزاق كۇتتى. بىراق جەڭىلدىكتەر جۇمىسقا ورنالاستىرۋعا عانا قاتىستى بولدى.
اباي-اقپارات
