«ماقتارال اۋدانىنىڭ كاسىپكەرلەرى  «Servist.pravstat.kz» جوباسى ارقىلى ءوز بيزنەسىن زاڭسىز تەكسەرىستەردەن قورعاي الادى» – دەيدى قر بپ قسجاەا وقو باسقارماسىنىڭ ماقتارال اۋدانى بويىنشا اعا پروكۋرورى قانات قابىرباەۆ. بۇل تۋرالى ول جەتىساي قالاسىنداعى كاسىپكەرلەرگە قىزمەت كورسەتۋ ورتالىعىندا وتكەن بۇگىنگى دوڭگەلەك ۇستەلدە حابارلادى.

15 جىل بويى ءساتتى قىزمەت ەتىپ كەلە جاتقان بيزنەس سۋبەكتىلەرىنىڭ تەكسەرىستەرىن تەكسەرۋ ينستيتۋتى ءوز تيىمدىلىگىن كۇن سايىن ارتتىرۋدا. تەكسەرىستەردى تىركەۋدىڭ زاماناۋي جۇيەسى مەملەكەتتىك ورگان اكتىسىندەگى جاي عانا شتامپ ەمەس، وكىلەتتى پروكۋروردىڭ تەكسەرىستىڭ نەگىزدى ءارى زاڭدى ەكەنىن راستاۋ بولىپ تابىلادى. زاماناۋي يننوۆاتسيالىق تەحنولوگيالاردىڭ دامۋىنىڭ ارقاسىندا پروكۋراتۋرا ورگاندارى تىركەۋدىڭ ەلەكتروندى نۇسقاسىنا تولىقتاي ءوتتى. بۇل ءوز كەزەگىندە كاسىپكەرلەر اراسىندا كەڭ تارالعان پروكۋراتۋرا ورگاندارىنىڭ «بيزنەس تىرەگى» اتتى ماڭىزدى جوبانى جۇزەگە اسىرۋعا مۇمكىندىك بەرەدى. ول ءۇشىن كاسىپكەر «Servist.pravstat.kz» سايتىنا كىرىپ، «بيزنەس تىرەگى» مودۋلىنە ءوتىپ، 14 ساندى تەكسەرىستى تىركەۋ نومىرىنە تەرۋ ارقىلى مۇنداي تەكسەرىستىڭ زاڭدى ەكەندىگىنە جانە پروكۋراتۋرا ورگاندارىندا تىركەۋ ءنومىرىن العاندىعىنا كوز جەتكىزۋگە بولادى.

«بيزنەس تىرەگى» يننوۆاتسيالىق جوباسى تەكسەرۋشى تاراپىنان بۇزاقىلىقتىڭ ورىن العاندىعىن ءدال تەكسەرىس كەزىندە حابارلاۋعا مۇمكىندىك بەرەدى. مۇنداي حابارلاما كەلىپ تۇسكەن جاعدايدا پروكۋراتۋرانىڭ جەدەل توبى بىردەن سول جەرگە بارىپ، تيىسىنشە ارەكەت ەتەدى. ونلاين رەجيمدەگى بايلانىستىڭ مۇنداي ءتۇرى پروكۋراتۋرا جۇمىسىنىڭ تيىمدىلىگىن اناعۇرلىم ارتتىرىپ، كاسىپكەرلەردىڭ بىزگە دەگەن سەنىمىن كۇشەيتەدى» - دەيدى قانات قابىرباەۆ.

Abai.kz