شىمكەنتتەگى باۋىرجان مومىشۇلى اتىنداعى وقۋ ورتالىعىن تاعى 230 تىڭداۋشى ءتامامدادى. ەلگە قالقان بولۋعا 230 جاس مامان بەكىندى. قولدارىنا ارنايى سەرتيفيكات العان تۇلەكتەر ەندى تاۋەلسىز ەلىمىزدىڭ ىشكى ىستەر ورگانىندا قىزمەت ەتەتىن بولادى.

قازاقستان رەسپۋبليكاسى  ءىىم-نە قاراستى شىمكەنت زاڭ كوللەدجىن جىل سايىن 1500-گە جۋىق  كۋرسانت بىتىرەدى.  ونىڭ  5  پايىزى -  بۇرىمدىلار. بۇگىن  باستاپقى وقۋ كۋرسىنان ءوتىپ،  تەوريا  جۇزىندە  ءبىلىم  العان   تۇلەكتەر  قياعا  قانات  قاقتى. پوليتسيا پولكوۆنيگى  بەكايدار  تويلىباەۆ  بولاشاق  پوليتسەيلەردى  قۇتتىقتاپ،  ءسات  ساپار  تىلەدى.  

بەكايدار تويلىباەۆ،  قر ءىىم باۋىرجان مومىشۇلى اتىنداعى وقۋ ورتالىعىنىڭ ديرەكتورى:

بۇل جىگىتتەر قازاقستاننىڭ بارلىق وبلىستارىنان كەلگەن. بۇل جەردە تەوريالىق ءبىلىم الدى. پراكتيكالىق پوليگاندى بىلىكتىلىگىن ارتتىردى. مەن ويلايمىن ىشكى ىستەر ورگاندارىندا جۇمىس ىستەۋگە تولىعىمەن دايىن.
باستاپقى وقۋ كۋرسىنان وتكەن كۋرسانتتىڭ ءبىرى - نيكولاي گلۋحوۆچەنكو.  قاراعاندى  وبلىسىنىڭ  تۋماسى.   ۇلتى - ورىس.   كوللەدجدە   3  اي  وقىپ،  اعا  سەرجانت  شەنىن  العان  ول وسى ۋاقىت ارالىعىندا   قازاق  ءتىلىن   ەركىن  مەڭگەرىپ الدى.  جۇزىنەن  قيماستىق  بايقالادى.

نيكولاي  گلۋحوۆچەنكو،   ءبىتىرۋشى تۇلەك

ماعان شىمكەنت وتە قاتتى ۇنادى. مەن وڭتۇستىك قازاقستان وبلىسىندا بىرنەشە تاريحي ورىندا بولدىم. وسى ۋاقىت ارالىعىندا وسىندا وقىپ ءجۇرىپ مەن قازاق ءتىلىن ەركىن مەڭگەرىپ شىقتىم. مەن وسىندا ۇستازدارعا ۇلكەن العىسىمدى ايتامىن.

شىمكەنت زاڭ كوللەدجى  قازاقستاننىڭ  ىشكى ىستەر ورگاندارى مەن بولىمشەلەرى ءۇشىن كادر  دايىندايدى.  كوللەدج  تۇلەكتەرى  قازاقستاندا عانا ەمەس، وزبەكستان، رەسەي، قىرعىزستان، تۇركىمەنستان، تاجىكستان مەملەكەتتەرىنىڭ ىشكى ىستەر ورگاندارىندا  دا ابىرويلى ەڭبەك ەتىپ ءجۇر.

Abai.kz