قالالىق ءبىلىم ءبولىمى جاڭا وقۋ جىلىنا دايىن. بيىل شاھارداعى 127 مەكتەپتىڭ ۇشەۋى كۇردەلى جوندەلىپ، 20 تامىزدا قولدانىسقا تاپسىرىلادى دەپ كۇتىلەدە.

بۇل تۋرالى قالالىق ءبىلىم ءبولىمىنىڭ باسشىسى جانات تاجيەۆا مالىمدەدى. سونداي-اق، وقۋشىلار وقۋلىقتان تاپشىلىق كورمەيدى. بيىل ءبىرىنشى سىنىپقا  21 500 بالا بارادى. ول وتكەن جىلمەن سالىستىرعاندا 1 500 وقۋشىعا ارتىق.

بيىل ءبىرىنشى سىنىپ وقۋشىلارى ءۇش تىلدە ءبىلىم الادى. ال جاڭا وقۋ جىلى باستالماي جاتىپ داۋعا قالعان مەكتەپ فورماسى ەشكىمگە مىندەتتەلمەيدى. تەك وقۋشى بىرىڭعاي كوك نەمەسە قارا شالبار كيىم، ۇستىنە اق ءتۇستى كوفتا كيسە بولعانى. اتا-انالار ونى قايدان ساتىپ السا دا ءوز ەرىكتەرىندە.

ال ءبىلىم وشاقتارىنداعى قۇقىق بۇزۋشىلىقتىڭ الدىن الۋ ماقساتىندا مەكتەپ وقۋشىلارىنا ۇيالى تەلەفون ۇستاۋعا تىيىم سالىنباق. بۇل قالا اكىمىنىڭ شەشىمى دەيدى سالا باسشىسى. ال ۇستازداردىڭ سمارتفون ۇستاۋى كاسىپوداق كوميتەتەرى ارقىلى شەشىلەدى.

وقۋلىق ماسەلەسىنە كەلەر بولساق، الەۋمەتىك تۇرمىسى تومەن وتباسىنىڭ بالالارى تولىعىمەن قامتاماسىز ەتىلەدى. مۇنداي وقۋشىلاردىڭ سانى 29 مىڭنان اسادى. ال ءبىرىنشى سىنىپ وقۋشىلارى 100 پايىز وقۋلىقپەن قامتىلادى.

Abai.kz