سايرام اۋدانى، مال باسىن بورداقىلاۋدان وڭتۇستىك قازاقستان وبلىسى بويىنشا الدىڭعى قاتارداعى اۋدانداردىڭ ءبىرى. بۇگىنگى تاڭدا، ونداعى ءىرى قارا مال باسى 176 مىڭنان اسىپ جىعىلسا، ونىڭ 32 مىڭنان استامى بورداقىلانۋدا. بۇل تۋرالى سايرام اۋدانى اكىمىنىڭ ءباسپاسوز قىزمەتى حابارلايدى.

وسىلايشا، ءىرى قارانى ەتتى باعىتتا باعىپ وتىرعان سايرامدىقتار بۇگىنگە دەيىن 100 مىڭ تونناعا جۋىق مال ەتىن ءوندىرىپ، رەسپۋبليكانىڭ بارلىق قالالارى مەن كورشىلەس رەسەي مەن وزبەكستاننىڭ نارىعىنا ەكسپورتتادى. 

اتالعان ءىستى كاسىپ كوزىنە اينالدىرىپ، پايداعا كەنەلىپ جۇرگەن شارۋانىڭ ءبىرى - زاكىرجان ابدۋللاەۆ. اقسۋكەنت اۋىلىنىڭ تۇرعىنى مال بورداقىلاۋدى كاسىپكە اينالدىرعانىنا 6 جىلدىڭ ءجۇزى بولدى. العاشىندا 5-6 ءىرى قارانى سەمىرتۋدى باستاعان ول بۇگىندە ولاردىڭ سانىن 100-گە جەتكىزدى. 

3 اي بۇرىن «ماكسيمۋم» ايماقتىق-ينۆەستيتسيالىق ورتالىعىنان جىلدىق 7 پايىزبەن 15 ملن. تەڭگە نەسيە الىپ، كاسىبىن جانداندىرعان جك «ابدۋللاەۆ» ەڭبەك ۇجىمىنىڭ اۋداندىق كاسىپكەرلەرگە قىزمەت كورسەتۋ ورتالىعىنا ايتار العىسى مول. 

كاسىپكەرلەر پالاتاسى اۋداندىق فيليالىنىڭ كونسۋلتانت-مەنەدجەرى ق.اسىلبولاتوۆ «ماكسيمۋم» ايو-نان از مولشەردەگى پايىزبەن نەسيە الۋىنا قۇجاتتارىن راسىمدەۋگە زاڭ اياسىندا قىزمەت كورسەتىپ، ءجون سىلتەگەن ەكەن. 

– نەگىزىنەن، ءتىس دارىگەرى مامانىمىن. ماماندىعىم بويىنشا 1 جىلداي جۇمىس اتقاردىم. بۇل كاسىپتى اعالارىمنان ۇيرەندىم. وتباسىمىزدىڭ بۇل كاسىپپەن اينالىسىپ جۇرگەنىنە 15 جىلدان استى. وسى سالادا جەتىستىككە جەتەتىنىمە كوزىم جەتىپ، جەكە اينالىسۋدى ءجون كوردىم، - دەيدى 29 جاستاعى كاسىپكەر.

ونىڭ اقسۋكەنتتە جەكە مال سوياتىن ورنى بار. كۇنىنە 2-2,5 تونناعا دەيىن مال بورداقىلاپ، ەتىن الماتىعا جونەلتەدى ەكەن. وسىلايشا، جانىنا جاقىن كاسىپتى تابىس كوزىنە اينالدىرعان شارۋا وزىنە عانا ەمەس، اينالاسىنداعى 8 ادامدى جۇمىسپەن قامتۋعا سەپتىگىن تيگىزىپ وتىر.

Abai.kz