بۇگىن وڭتۇستىك قازاقستان وبلىسى ماقتارالا اۋدانى اكىمى ج.بەيسەنباەۆ مىرزا كۇردەلى جوندەۋدەن ءوتىپ جاتقان مەكتەپتەردى ارالاپ، قۇرىلىس جۇمىستارى بارىسىمەن تانىستى. بۇل تۋرالى «Abai.kz» پورتالى ماقتارال اۋدانى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ءبىلىم نىساندارىن ارالاعان ماقتارال اۋدانى اكىمى بەيسەنباەۆ مىرزا  دوستىق اۋىلدىق وكرۋگىنداعى ايني جالپى ءبىلىم بەرەتىن مەكتەبىنىڭ، ج.نۇرلىباەۆ اۋىلدىق وكرۋگىندە ورنالاسقان ا.تۇياقباەۆ اتىنداعى مەكتەبىنىڭ، ەڭبەكشى اۋىلدىق وكرۋگىندا ورنالاسقان اباي اتىنداعى جالپى ءبىلىم بەرۋ مەكەمەسىندەگى جۇرگىزىلىپ جاتقان  كۇردەلى جوندەۋ جۇمىستارىنىڭ ساپاسىن كوردى.

اتالعان وقۋ نىسانداردىڭ قۇرىلىس جۇمىستارىن جۇرگىزۋگە باعىتتالعان تەندەردى ۇتىپ العان مەردىگەرلەرگە وقۋ جىلى باستالۋعا از ۋاقىت قالعانىن ەسكەرتىپ، نىسانداردىڭ جىلدام ءارى ساپالى ەتىپ اياقتاۋ كەرەكتىگىن جەتكىزدى. اسىرەسە، ماقتارال اۋدانىنا قاراستى حايدار ەلدى مەكەنىندە ورنالاسقان ايني جالپى ءبىلىم بەرۋ مەكەمەسىندەگى جۇمىستاردىڭ  كەستەدەن كەشىگىپ جاتقاندىعىن، نىساندا جۇمىس ىستەپ جاتقان 32 ادامنىڭ ۋاقىتىندا جۇمىستاردى بىتىرە المايتىندىعىن ەسكەرتىپ، قوسىمشا جەرگىلىكتى حالىقتى جۇمىسقا تارتا وتىرىپ قول كۇشىن كوبەيتىپ، ماسەلەنى شەشۋ كەرەكتىگىن تاپسىردى.

دەرەككوزى: وقو ماقتارال اۋدانى اكىمىنىڭ ءباسپاسوز قىزمەتى

Abai.kz