قازاقستان رەسپۋبليكاسى پرەزيدەنتى اكىمشىلىگىنىڭ جانە ماقتارال اۋداندىق ءماسليحاتىنىڭ كەلىسىمى بويىنشا وڭتۇستىك قازاقستان وبلىسى اكىمىنىڭ وكىمىمەن ماقتارال اۋدانىنىڭ اكىمى تاعايىندالدى. ماقتارال اۋدانىنىڭ اكىمى لاۋازىمىنا عالىم ىبرايۇلى يسمايلوۆ تاعايىندالدى. 

ع.ى.يسمايلوۆ 1961 جىلى 10 قاراشادا تۋىلعان، ءبىلىمى جوعارى، ينجەنەر-قۇرىلىسشى-تەحنولوگ، مەملەكەتتىك باسقارۋ باكالاۆرى.

ەڭبەك جولىن 1983 جىلى شىمكەنت وبلىسى بوگەن قۇس فابريكاسىندا جۇمىسشى رەتىندە باستاعان. مەملەكەتتىك قىزمەتتى وتكەرۋدى 

1999 جىلى شىمكەنت قالالىق اكىمشىلىگى كوممۋنالدىق شارۋاشىلىق دەپارتامەنتى باستىعىنىڭ ورىنباسارى لاۋازىمىندا باستاعان. 2001-2007 جىلدارى شىمكەنت قالالىق № 2 حالىقپەن جۇمىس جۇرگىزۋ باسقارماسىنىڭ باستىعى، وڭتۇستىك قازاقستان وبلىسى تابيعاتتى قورعاۋ باسقارماسى باستىعىنىڭ ورىنباسارى، تۇركىستان، شىمكەنت قالالارى اكىمىنىڭ ورىنباسارى رەتىندە ەڭبەك ەتكەن. 2007-2013 جىلدارى ارالىعى «بادام تاس»، «Kazakhstan Connecting System»، «OLYMPIA KAZAHSTAN» جاۋاپكەرشىلىگى شەكتەۋلى سەرىكتەستىكتەرى ديرەكتورىنىڭ ورىنباسارى قىزمەتتەرىن اتقارعان.

2015 جىلدىڭ قاڭتار ايىنان باستاپ شىمكەنت قالاسى قاراتاۋ اۋدانىنىڭ اكىمى لاۋازىمىن اتقارىپ كەلدى.

اباي-اقپارات