قايبىر كۇنى شىمكەنتكە بارا جاتىپ جول-جونەكەي قول كوتەرگەن ءبىر كىسى مەن ايەلدى الا كەتتىم. ەكەۋى ەرلى-زايىپتىلار ەمەس، جاي جاقىن تانىستار سياقتى. ارتقى ورىندىقتا قاتار وتىرىپ əڭگىمەلەسىپ باردى. 

ايەل جاقىندا استاناعا بارىپ كەلگەن ەكەن. ەزۋى جيىلماي ەلوردادا كورگەن قىزىقتارىن ايتۋمەن بولدى. 

- ويباي، استاناڭ تولى ءوزىمىزدىڭ شىمكەنتتىكتەر ەكەن، -- دەدى ءبىر كەزدە. -- تاماق ىشۋگە كافەسىنە بارساڭ دا، ءبىر زات ساتىپ الايىن دەپ دۇكەنىنە كىرسەڭ دە ءبارى شىمكەنتتەن كەلگەن. 

- ءيا، شىنىندا استانادا شىمكەنتتىكتەر قاپتاپ كەتتى عوي... – دەپ ەركەك تە ماقۇلداي كەتتى. 

- ءبىر كۇندە ءۇش رەت تاكسيگە ءمىندىم، ەكەۋى شىمكەنتتىك ەكەن، -- دەدى ايەل ودان بەتەر تاڭدانىسىن جاسىرا الماي. - اينالايىن، شىمكەنتىمنىڭ ادامدارى شەتىنەن ءيمانجۇزدى عوي... قايتا كوپتەپ بارعاندارى دۇرىس... قازىردىڭ وزىندە استانانىڭ كوشەسىندە شىمكەنتتىكتەر قاپتاپ ءجۇر ەكەن. ءوز باسىم قاتتى قۋاندىم...

بۇدان كەيىن استانانىڭ اۋا-رايىن ايتىپ، اپتا بويى سىركىرەپ جاڭبىر جاۋعانىن، كوشەلەردە سەل جۇرگەنىن ءبىراز اڭگىمە قىلدى. 

ءسويتتى دە كەنەت:

- وي، استانانىڭ ادامدارى قيىن ەكەن... - دەپ جۇرەگىن ۇستادى. - كوشەسىندە قاپتاپ جۇرگەن ادامداردان ءجون سۇراساڭ، ويپىرماي، بىرەۋى دۇرىستاپ جاۋاپ بەرمەيدى عوي... ءتىپتى تەرىس بۇرىلىپ كەتەتىندەرى دە بار. مۇنداي سۋىق ادامدارداردى ءبىرىنشى مارتە كوردىم. 

...«اپاي، استانانىڭ كوشەسىندە ءورىپ جۇرگەن الگى ءوزىمىزدىڭ شىمكەنتتىكتەر قايدا؟» دەپ سۇرايىن دەپ تۇردىم دا، بوگدە ادامنىڭ اڭگىمەسىنە ارالاسقان ىڭعايسىز بولار دەپ ءۇنسىز قالدىم. 

سوندا əلگى əيەلدىڭ əڭگىمەسىنە قاراعاندا استانانىڭ كوشەسىندە قاپتاپ جۇرگەندەر شىمكەنتتىكتەر بولادى دا، بىراق ولاردان ءجون سۇراي قالساڭ اياق استىنان استانالىققا اينالىپ كەتە مە، قالاي بوپ كەتتى ءوزى...

ورالحان ءداۋىت

Facebook-تەگى پاراقشاسىنان