كەنتاۋ قالا اكىمدىگىنىڭ ۇلكەن ءماجىلىس زالىندا قالا اكىمى ابدىباقىت ماقۇلباەۆتىڭ توراعالىعىمەن جەرگىلىكتى پوليتسيا قىزمەتىنىڭ باسشىسى ن.داۋلەتوۆتىڭ 2016 جىلدىڭ 6 ايىندا اتقارعان جۇمىستارى تۋرالى ەسەبى تىڭدالدى.

جەرگىلىكتى پوليتسيا قىزمەتى باسشىسىنىڭ ەسەبىنە وبلىستىق جەرگىلىكتى پوليتسيا قىزمەتى باسشىسىنىڭ ورىنباسارى مۇسابەك زۇلپىحاروۆ جانە قالا پروكۋرورى جومارت نۇرعاليۇلى قاتىستى. سونىمەن قاتار قالا اكىمىنىڭ ورىنباسارلارى، اپپارات باسشىسى، اۋىل اكىمدەرى، دەربەس ءبولىم مەن ايماقتىق باسقارما باسشىلارى جانە باق وكىلدەرى قاتىستى.

قالا اكىمى ءا.ماقۇلباەۆ ماجىلىسكە قاتىسۋشىلاردى پرەزيديۋم مۇشەلەرىمەن جانە ءماجىلىستىڭ كۇن تارتىبىمەن تانىستىرىپ، ءسوزدى ن.داۋلەتوۆكە بەردى. جەرگىلىكتى پوليتسيا قىزمەتى باسشىسىنىڭ 2016 جىلدىڭ 6 ايىندا اتقارعان جۇمىستارى تۋرالى ەسەبى تىڭدالدى. ەسەپتە اتقارىلعان جۇمىستاردىڭ وڭ ناتيجەلەرى ياعني اشىلعان قىلمىستار مەن جۇرگىزىلگەن جۇمىستار تۋرالى ايتىلدى. ەسەپتەن سوڭ قالالىق ىشكى ساياسات ءبولىمى باسشىسىنىڭ مىندەتىن اتقارۋشى ع.تويشيەۆ پوليتسيا قىزمەتكەرلەرىنىڭ جۇمىسى تۋرالى حالىق اراسىندا جۇرگىزىلگەن ساۋالناما قورىتىندىسىن باياندادى. باياندامادان كەيىن جەرگىلىكتى پوليتسيا قىزمەتىنىڭ باسشىسى ن.داۋلەتوۆ مىنبەرگە قايتا كوتەرىلىپ، سۇراقتارعا جاۋاپ بەردى. وبلىستىق جەرگىلىكتى پوليتسيا قىزمەتى باسشىسىنىڭ ورىنباسارى م.زۇلپىحاروۆ سلايدتا كورسەتىلگەن جۇمىستاردىڭ كوپشىلىگى جاز مەزگىلىنە قاراعاندا قىسقى مەزگىلىندە كوپتەۋ اتقارىلعاندىعىن ايتتى. قالا پروكۋرورى ج.نۇرعالي پوليتسيا جۇمىسىنىڭ كوپتەگەن كەمشىلىكتەرى جانە ونىڭ جۇرگىزىلۋ جولدارى تۋرالى ايتىپ ءوتتى.

قالا اكىمى ءا.ماقۇلباەۆ ۋچاسكەلىك پوليتسيا ينسپەكتورلارى حالىقپەن جانە ءبىلىم بولىمىمەن بىرلەسىپ، جاسوسپىرىمدەر اراسىندا قانشا كەزدەسۋ وتكىزىلگەندىگىن، بازار ماڭىنداعى جول كولىك قوزعالىسىن رەتتەۋ، ناشوقورلىقپەن، مال، پاتەر قالتا ۇرلىعى، الاياقتىق جالپى قىلمىستىڭ الدىن الۋ بويىنشا اتقارىلعان جۇمىستاردىڭ كوڭىل كونشىتپەيتىندىگىن ايتىپ، ءتيىستى تاپسىرمالار جۇكتەدى. جەرگىلىكتى پوليتسيا قىزمەتى باسشىسىنىڭ ەسەبى جىل قورىتىندىسىمەن قايتا قارالاتىن بولدى.

Abai.kz