جالعىزباستى انالار اليمەنت وندىرە الماي ءجۇر. «نۇر وتان» پارتياسى وبلىستىق فيليالىنىڭ قوعامدىق تىڭداۋىنا بۇل جولى ءتيىستى كومەككە قول جەتكىزە الماعان تۇرعىندار كەلدى. تاباننان توزعان انالار زاڭ قىزمەتكەرلەرىنىڭ وزدەرىنەن جاۋاپ الىنسا دەيدى.

شىمكەنت قالاسىنىڭ تۇرعىنى گۇلچەحرا سايداحمەتوۆا پارتيا قىزمەتكەرلەرىنىڭ الدىنا تۋا ءبىتتى كەمىستىكپەن دۇنيەگە كەلگەن بالاسىن الا كەلىپتى. ۇلىنىڭ كۇتىمى مەن ەمدەلۋىنە جاعداي جاساي الماي جۇرگەن جالعىزباستى انا بۇرىنعى جولداسىنان تيتتەي دە كومەك كورمەيتىنىن ايتادى. ال سوت ورىنداۋشىلار اليمەنت ءوندىرىپ بەرۋدىڭ ورنىنا ءوزىن بالاعاتتاپ، بەتىن قايتارعانىن اشىنا جەتكىزدى.

ءدال وسىنداي اكە قامقورلىعىنا ءزارۋ بەس بالانىڭ اناسى دا نۇروتاندىقتاردان كومەك سۇراي كەلىپتى. ءبارىنىڭ دە زاڭ قىزمەتكەرلەرىنىڭ سەلقوستىعىنان تاۋى شاعىلىپ، تاۋانى قايتقان. ايتۋلارىنشا، جاۋاپتىلاردىڭ وزدەرى دەر كەزىندە ءتيىستى شارالارعا كىرىسپەي، ءىستىڭ ناسىرعا شابۋىنا سەبەپ بولۋدا.

مۇڭ-مۇقتاجىن ارقالاي كەلگەن كەلىنشەكتەردىڭ ەندىگى ءۇمىتى — وسى پارتيادا. فيليال جەتەكشىلەرى تالاپ-تىلەكتەردى ءجىتى تىڭداي كەلە جاۋاپتى ماماندارعا جۇكتەيتىنىن ايتتى.

كەيبىر تاس باۋىر اكەلەردىڭ ءىسى سوتقا دەيىن بارادى. دەگەنمەن، اليمەنتتەن تولەۋدەن جالتارعانداردىڭ ۇستىنەن، ءتىپتى، قىلمىستىق ءىس قوزعالعانىمەن، ولار زاڭدى پىسقىرمايتىن سەكىلدى. باۋىر ەتى بالاسىن اسىراۋدى ءجون ساناماعان اكەلەردىڭ ايتاتىن ءتۇرلى سىلتاۋلارى دا دايىن.

Abai.kz