الداعى قىسقى سۋىقتا شىمكەنتتىكتەر توڭبايدى .»قۋات جىلۋ ورتالىعى» مەكەمەسى شاھارداعى ابدەن توزىعى جەتكەن 42 شاقىرىم جىلۋ قۇبىرىن جاڭارتىپ جاتىر.

بۇگىندە شىمكەنتتىڭ 33 كوشەسىندە قارقىندى جۇمىس جۇرگىزىلۋدە. وعان 230 جۇمىسشى جۇمىلدىرىلعان. جوسپار بويىنشا جىلۋ جۇيەلەرىن جاڭارتۋ جۇمىستارى قازان ايىندا تولىعىمەن اياقتالۋى ءتيىس. بۇل تۋرالى «Abai.kz»  پورتالى حابارلايدى.

قالانىڭ 33 جەرىنەن وسىلايشا قازىلىپ تاستالعان. جىلۋ ماۋسىمىنا دايىندىق ساپالى بولسىن دەسەك، وعان شىدامدىلىق تانىتۋعا تۋرا كەلەدى. «قۋات جىلۋ ورتالىعىنىڭ» ماماندارى كوشەلەردەگى بۇل قيىندىقتار قازان ايىنا دەيىن بولادى دەپ ەسكەرتۋدە. جوندەۋدى تىڭعىلىقتى جۇرگىزۋ قولعا الىنعان. سەبەبى 80-جىلداردان بەرى الماستىرىلماعان قۇبىرلاردىڭ ابدەن توزىعى جەتكەن.

ونداعان شاقىرىمدىق قۇبىرلاردى الماستىرۋ ءۇشىن قازىنادان 600 ملن تەڭگەگە جۋىق قاراجات بولىنگەن. جۇمىستار نەگىزىنەن كوپ قاباتتى ۇيلەر كوپ شوعىرلانعان شاعىناۋدانداردا قارقىن العان. تەك كۇنشىعىس جانە 16-شاعىناۋداننىڭ وزىندە 200-گە جۋىق ۇيگە جىلۋ جەتكىزەتىن قۇبىرلار جاڭالانادى.

جەرگىلىكتى بيلىك بۇل جۇمىستاردى كۇردەلى جوندەۋدىڭ باستاماسى دەپ وتىر. بيىلعا تۇزىلگەن جوسپار ورىندالسا، شاھاردىڭ جىلۋ جۇيەسىنىڭ وڭتۇستىك بولىگى — 87 سولتۇستىك بولىگى 30 پايىزعا جاڭارتىلادى دەگەن ءسوز.

Abai.kz