امەريكالىق تانىمال جۇزگىش مايكل فەلپس ريو-دە-جانەيرودا ءوتىپ جاتقان ءحححى جازعى وليمپيادا ويىندارىندا كەزەكتى جەڭىسىنە قول جەتكىزىپ، اقش قورجىنىنا تاعى ءبىر التىن مەدال سالدى،-دەپ جازادى «sn.kz» پورتالى.

100 مەترگە ەركىن جۇزۋدەن وتكەن ەستافەتادا فەلپس باستاعان تورتتىك الدىنا جان سالعان جوق.

فينالدىق كەزەڭدە فەلپس پەن ونىڭ كوماندالاستارى كالەب درەسسەل، رايان حەلد جانە ناتان ەدريان 3 مينۋت 9,92 سەكۋند كورسەتكىشىمەن كوش باستاسا، ەكىنشى ورىندى 3.10,53 ناتيجەسىمەن فرانتسۋز كومانداسى جەڭىپ الدى. ال، 3.11,37 كورسەتكىشىنە قول جەتكىزگەن اۆستراليالىق سپورتشىلار جارىستىڭ قولا جۇلدەگەرى اتاندى.

وسىلايشا، 31 جاستاعى مايكل فەلپس تاريحتا وليمپيادا ويىندارىنىڭ 19 التىنىن يەلەنگەن العاشقى سپورتشى اتانىپ وتىر. سونداي-اق، جالپى وليمپيادالىق مەدالدار سانى جاعىنان دا فەلپسكە جەتەر بىردە-ءبىر سپورتشى جوق. كۇمىس پەن قولا جۇلدەلەردىڭ ءبارىن قوسقاندا امەريكالىق جۇزگىشتىڭ ەنشىسىندە 23 وليمپيادا مەدالى بار.

Abai.kz