شۇبار اۋىل وكرۋگىندە 2010 جىلى ىسكە قوسىلعان "شۇبار اسىل تۇقىمدى كەشەنى" جشس شوشقا ءوسىرىپ، بورداقىلاۋمەن اينالىسادى. بۇل جوبانىڭ جالپى قۇنى 141 ملن. تەڭگەنى قۇرايدى، قارجى كوزى - ۇق "وڭتۇستىك اكك" اكتسيونەرلىك قوعامى. 

بۇل كەشەندە 35 ادام تۇراقتى جۇمىسپەن قامتىلعان. 

كەشەندە بۇگىندە 5000 شوشقا بار. 

"بيزنەستىڭ جول كارتاسى 2020" مەملەكەتتىك باعدارلاماسى اياسىندا ينۆەستيتسيالىق قۇنى 70,0 ملن. تەڭگەگە مال سويۋ تسەحى ىسكە قوسىلدى. قۋاتتىلىعى - تاۋلىگىنە 5000 تن.

سەرىكتەستىك توراعاسى س.ۆاليەۆتىڭ مالىمدەۋىنشە بۇل كەشەن ايىنا 30 توننا ەت شىعارادى. مۇندا ەتتى تەكسەرەتىن ارنايى زەرتحانا دا جاساقتالعان.

تراكتور قۇراستىرۋشى زەينەتكەر

ورداباسى اۋدانى، تورتكۇل اۋىلىنىڭ تۇرعىنى، ۇزاق جىل ەنەرگەتيكا سالاسىندا ەڭبەك ەتىپ، زەينەتكەرلىككە شىققان جاقسىلىق وتاۋبەكوۆ تەحنيكا قۇراستىرۋمەن اۋەستەنەدى. بۇگىندە شاعىن باقشالاردى باپتايتىن تراكتور قۇراستىرىپ، قوسىمشا قۇرىلعىلارىن دا جاساپ شىعارۋدا. 

جاڭار-جاعار مايدى بارىنشا از شىعىندايتىن تراكتورلار بۇگىندە كورشى اۋدانداردىڭ شارۋالارىنىڭ قىزىعۋشىلىعىن تۋعىزۋدا. تاياۋدا بايدىبەك اۋدانىنا ارنايى تاپسىرىسپەن قۇراستىرىلعان ءبىر شاعىن تراكتور اتتانعان. 6 اتتىڭ كۇشى بار بۇل تەمىر تۇلپار تورتكۇلدىك ديحانداردىڭ كۇنىنە جاراپ تۇرعان كورىنەدى. اسىرەسە، ۇساق شارۋاشىلىقتار ەككەن ءونىمىن دارىلەۋدە، جەرىن تارمالاۋدا، جۇيەك سالۋدا جاقسىلىق وتاۋبەكوۆتىڭ كومەگىنە جۇگىنەدى.

Abai.kz