قازاقستاننىڭ ريو وليمپياداسىنداعى العاشقى مەدالىن وڭتۇستىكتىڭ سپورتشىسى اپەردى. بۇل تۋرالى ازاتتىق حابارلايدى.

ريو-دە-جانەيرودا ءوتىپ جاتقان وليمپيادا ويىندارىندا دزيۋدودان ايەلدەر اراسىندا 48 كەلى سالماق دارەجەسىندە سىنعا تۇسكەن قازاقستاندىق گالبادراح وتگونتسەتسەگ قولا مەدال يەلەندى. ول العاشقى اينالىمدا تاكيانا ليمانى (گۆينەيا-بيساۋ) جەڭگەنىمەن، شيرەك فينالدا جاپونيالىق امي كوندودان ۇتىلىپ قالدى.

ال ءۇشىنشى ورىنعا تالاستا وتگونتسەتسەگ 2012 جىلعى وليمپيادانىڭ قولا جۇلدەگەرى ۆەنگريالىق ەۆا چەرنوۆسكيدى جانە كۋبالىق داياريس الۆارەستى جەڭدى. گالبادراح وتگونتسەتسەگ قازاقستانعا 2012 جىلى موڭعوليادان كەلگەن. ول بۇعان دەيىن ازيا چەمپيوناتىنا قازاقستان اتىنان قاتىسىپ، التىن مەدال جەڭىپ العان.

ايتا كەتۋ كەرەك، بۇل – قازاقستاننىڭ ريو وليمپياداسىنداعى العاشقى مەدالى. دزيۋدو كۇرەسىنەن وليمپيادا ويىندارىندا سىنعا تۇسكەن پالۋاندار اراسىندا جەرەبە تارتىلعان بولاتىن. ريودا وڭتۇستىك قازاقستاننان بارعان ديدار حامزا مەن وتگونتسەتسەگ گالبادراح بەلدەستى. العاشقىلاردىڭ ءبىرى بولىپ تامىزدىڭ 6-سى كۇنى تاتامي تورىنە شىمكەنتتىك وتگونتسەتسەگ شىققان بولاتىن. 48 كەلىدەگى سپورتشىلر اراسىندا چەمپيون اتانىپ جۇرگەن گالبادراح ءبىرىنشى تۋردا بەلدەسپەيدى. ول ەكىنشى اينالىمدا گۆينەي-بيساۋ سپورتشىسى تاسيانا ليمامەن تاتاميگە شىقتى.

Abai.kz