2012-جىل. لوندون وليمپياداسى. قازاقستان قورجىنىنا ءتورت بىردەي التىن مەدال اۋىر اتلەتيكادان ءتۇستى. بۇل ءتۇس پە، الدە ءوڭ بە؟ شاتتاندى. قۋاندى.

ونىڭ ۇشەۋىن سىرتتان ساتىپ اكەلگەن سپورتشىلار. تەك يليامىز بار وزىمىزدەن. ماسايراپ ساتىپ العان اقىسىنىڭ ۇستىنە، قوسىمشا سىياقىسىن، پاتەرىن ت.ب. سىي-سىياپاتىن كورسەتتى. "دۇرىس" دەدىك. اقىرى باستان اسىرا كوتەرگەن زىلتەمىردىڭ اياققا تۇسكەنى سياقتى ابىرويدىڭ بۇراڭ ەتىپ قۇلارىن ەشكىم ويلامادى. جاۋاپكەرشىلىكتى كىم موينىنا الادى؟ كەشەگى قوماقتى قارجىنىڭ ورنىن كىم تولەيدى؟ الدە "جەلگە ۇشتى" دەپ جاتا بەرە مە؟ 

ەندى سۇراق دوپينگتى كىم ولارعا بەردى؟ ءوزى ءىشتى مە، الدە ني بەردى مە؟ ەسى دۇرىس سپورتشى ادام ەش قاشان ارتىن ويلاماي، ءبىر كۇنگى اتاق ءۇشىن ولاي جاساماس. دەمەك ەل قارجىسىنا قالتاسىن قامپايتىپ جامان ۇيرەنگەن، ۇزاق ۋاقىت وتىرىپ شىعىنعا باتىرعان الەكسەي ني جاۋاپكەرشىلىكتى موينىنا الۋى كەرەك. ەلىمىزدە بىردە-ءبىر دۇرىس اۋىر اتلەت دايىنداماي سىرتتان ساتىپ اكەلە بەرەتىن بيزنەستىڭ كوزىن تاپقان ادام. ەلىمىزدىڭ مىقتى دەگەن زىلتەمىرشىلەرىنىڭ تۇبىنە جەتتى. الەكسەي ني ورنىنان كەتىپ عانا قويماي كەتكەن شىعىندى وتەسىن. قازاقستان اۋىر اتلەتيكاسى وعان وتباسىلىق بيزنەس ەمەس!

الماتى جەتكەنباي

Facebook-تەگى پاراقشاسىنان